Kamakailan lang, tuluyan nang namaalam sa vlogging ang sikat na social media influencers na sina Jayzam Manabat at Camille Trinidad. Sa kanilang huling vlog, nagpaalam na ang Jamill sa kanilang mga fans sa Youtube. Ito’y matapos nilang i-delete ang kanilang Youtube channel na may mahigit 12 million suscribers na.
Ayon sa kanilang pahayag, nais muna nilang mag-focus sa kanilang personal na buhay kaya naman tumigil na sila sa vlogging.
Ilang araw matapos nilang i-delete ang kanilang channel ay naglabas naman ng pahayag ang Bureau of Internal Revenue (BIR) na kasalukuyang iniimbestigahan nito ang sikat na vlogger na di umano’y kumikita ng P50-100 million ngunit hindi nagbabayad ng tax.
Read More: Jowa Reveal ni Mika Salamanca, Nagpanganga sa mga Fans! Kilalanin ang Boyfriend Niya Dito
Kahit hindi ito pinangalanan ng BIR, napaisip ang mga fans kung ang Jamill nga ba ang tinutukoy nila. Binura nga ba nila ang kanilang Youtube channel kaugnay ng imbestigasyon ng BIR? Matapos ito ay muli na namang tumindi ang kontrobersyang bumabalot sa dalawa kamakailan lang.
Napabalitang binebenta na nila ang kanilang 2-storey mansion sa Nueva Ecija. Ilang real estate agent ang nag-post na for sale na ang kanilang mansyon, at magbibigay rin daw ng P100,000 na pabuya sa lucky sharer ng kanilang ad. Bukod sa kanilang mansyon ay ibinebenta na rin ang kanilang dalawang raptor, na binili ng Jamill noong 2017.
Dahil dito, napaisip ang mga fans sa totoong dahilan kung bakit ibinebenta ng Jamill ang kanilang mga ari-arian. Ayon sa iba, maaaring may kaugnayan ito sa imbestigasyon ng BIR. May mga netizens rin na napaisip kung hiwalay na nga ba ang dalawa.
Sa kabilang banda, ayon sa BIR ay mas maghihigpit ito sa pagpapatupad ng pagbabayad ng tax ng mga sikat na vloggers. Nais rin nilang patawan ng tax ang mga kumikita mula sa Axie Infinity.
Read Also: “Walang kahihiyan!”- Cristy Fermin, Sinupalpal si Jinkee Pacquiao Dahil sa Mamahaling Gamit Nito
Ano ang masasabi niyo sa kwentong ito? Ibahagi lamang ang inyong opinyon at parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.
0 comments:
Post a Comment