Kamakailan lang, naging usap-usapan sa social media ang isiniwalat ni Lolit Solis tungkol sa kanyang dating talent na si Mark Herras. Sa Instagram, ibinunyag ng 72-anyos na talent manager na nangutang sa kanya ang aktor ng P30,000 para ipambili ng gatas ng anak nito.
Ayon kay Lolit, bago niya pahiramin ay katakot-takot na sermon muna ang narinig ni Mark mula sa kanya. Pinangaralan niya daw ang aktor na wag maging kampante sa kanyang trabaho sa showbiz. Matapos ito ay ipinost pa ni Lolit sa Instagram ang pangyayaring ito.
“Naku, talagang inalipusta ko siya! Ang ending, um-oo na ‘ko. But for sure, with all these revelations nagsisisi siya kung bakit ako pa ang tinawagan at inutangan niya. And for sure, naghahanap siya ngayon ng mauutangan niya para mabayaran na niya‚ ko!”
Matapos ang mahabang pananahimik, sa wakas ay nagsalita na rin si Mark Herras tungkol dito. Hindi kinumpirma o itinanggi ng dating “Starstruck” actor ang isyung pangungutang niya sa kanyang manager. Sa halip ay nagbahagi ito ng larawan ng kanyang anak.
“Wag mo pansinin mga tsismis anak hindi ka namin palalakihin dyan don’t worry. We love you!” Nagpasaring rin si Mark Herras na breastfed si Baby Corky, na tila ba sagot sa paratang ni Lolit Solis na umutang ito sa kanya upang may pambili ng gatas ng kanyang sanggol.
Sa kabilang banda, matapos makatanggap ng pangba-bash sa social media ay pormal ng ibinahagi ni Lolit na hindi na siya manager ni Mark Herras. Ngunit bago pa man niya ito bitawan, binuking niya rin na ayaw na niyang makihati sa di umano’y malaking cash advance ng aktor sa GMA 7.
Read More: Nanay ni Vice Ganda, Napaiyak Matapos Makita ang Bagong Bahay na Ipinagawa ni Vice Para sa Kanya!
Ano ang masasabi mo sa kwentong ito? Ibahagi lamang ang inyong opinyon at parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.
0 comments:
Post a Comment