Hindi madali ang landas na tinatahak ng mga overseas Filipino worker. Nagpapakahirap silang magtrabaho sa ibang bansa para lamang mabigyan ng magandang buhay ang kanilang mga pamilya sa Pilipinas. Ngunit nakakalungkot isipin na may mga taong hindi naa-appreciate ang kanilang sakripisyo.
Kamakailan lang, isang 52-anyos na OFW mula sa California, United States ang dumulog sa tanggapan ni Raffy Tulfo. Si Ferdinand Gomez ay nagta-trabaho bilang caregiver sa California. Bukod sa pagiging caregiver, may iba pa siyang part-time jobs upang matustusan ang pangangailangan ng kanyang girlfriend sa Pinas.
Read More: Danica Sotto, Ano nga ba ang Tawag sa Stepmom na si Pauleen Luna? Silipin Dito!
At dahil todo kayod siya, ayon kay Ferdinand ay kadalasang tatlong hanggang limang oras na lang ang tulog niya araw-araw.
Tinitiis niya ang kalagayan niyang ito para makapagpadala ng pera sa girlfriend niya. Ngunit bigla na lamang gumuho ang mundo niya matapos malamang niloloko lamang siya nito!
Inireklamo niya ang kanyang girlfriend na si Innah Esmero mula sa Tagum City, Davao. Ayon kay Ferdinand, nakilala niya lamang sa Facebook si Innah.
Nang sila’y naging magkasintahan na, nagsimula na daw itong manghingi sa kanya ng pera. Nagpadala rin siya ng balikbayan box dito na puno ng mga mamahaling gamit, gaya na lamang ng Victoria Secret lingerie.
Plano na rin daw nilang magpakasal pag uwi ni Ferdinand dito sa Pilipinas. Sa katunayan, bumili na siya ng lupa at engagement ring upang sorpresahin ang kanyang girlfriend.
Ngunit nagulat na lamang siya ng blinock siya nito sa Facebook, at nakita na lamang niya na may ibang kinakasama na pala ito.
Ang masaklap pa dito, maging ang kanyang mga anak ay lumayo na ang loob sa kanya dahil sa kanyang relasyon kay Innah. Mahigit P300,000 rin daw ang naipadala niya dito, at nais niyang humingi ng tulong kay Tulfo upang kahit papano ay makakuha ng closure.
Read Also: Viewers, Na-Curious sa Di Umano’y Ginagawang Kababalaghan ni Alexa Ilacad sa PBB House!
Panoorin ang buong pangyayari dito:
Ano ang masasabi mo sa kwentong ito? Ibahagi lamang ang inyong opinyon o bparehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.
0 comments:
Post a Comment