Talagang busy na ang award-winning actor na si John Lloyd Cruz para sa kanyang television comeback. Mahigit tatlong taon na rin simula nang lumabas si John Lloyd sa mainstream media, kaya naman maraming fans ang nag-aabang sa kanyang upcoming project. Gayunpaman, sa kabila ng kanyang busy sched ay hindi ito nawawalan ng oras upang mag-unwind.
Kamakailan lang, namataan na nagbakasyon si John Lloyd sa kanyang rest house sa Batangas. Inimbita niya rin ang kanyang mga kaibigan sa showbiz, ngunit tila naging agaw pansin ang isa sa mga nakasama ni John Lloyd. Ito ay walang iba kundi ang dating sexy actress na si Katrina Halili.
Sa mga larawan na kumalat sa social media, makikitang madalas na magkasama si John Lloyd at Katrina. Sa isang photo, makikita rin na tila ba tumatawa si Katrina, senyales na mukhang nag-eenjoy sila ni John Lloyd sa kanilang pag-uusap. Dahil dito, napaisip ang mga fans kung may namamagitan nga ba sa kanilang dalawa.
May mga netizens na napatanong kung si Katrina na nga ba ang susunod na babaeng magpapatibok sa puso ni John Lloyd matapos ang relasyon nito kay Ellen Adarna.
Ngunit ayon sa isang informant, walang anumang romantic na namamagitan sa dalawa. Nagkalapit lamang sila matapos tulungan ni Katrina si John Lloyd sa pagbili ng lupa sa Palawan.
“Dalawang malaking cut ng lote ang nabili ni John Lloyd kay Katrina, hindi ko alam kung ilang square meters pero sa tantiya ko, abot siguro ‘yun ng P20 million. Nagpatayo ng glass house sa itaas ng bundok sa El Nido si John Lloyd, malaki ang property niya ro’n. Patapos na ‘yung main house,” pahayag ng informant sa isang interview.
Sa kanyang quick getaway, nakasama rin ni John Lloyd ang iba niya pang malapit na kaibigan sa showbiz. Kabilang na sa kanila sina Maja Salvador, Mimi Juareza, Wilma Doesnt, at iba pa.
Read More: Donnalyn, Nagbabalang Kakasuhan ang Netizen na Nagpakalat ng Malisyosong Fake News Tungkol sa Kanya
Ano ang masasabi mo sa kwentong ito? Ibahagi lamang ang inyong opinyon at parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like o mag follow sa aming Facebook page.
0 comments:
Post a Comment