Talagang walang katumbas ang pagmamahal ng isang ina sa kanyang anak. Iaalay nito ang kanyang buhay mabigyan lang ng magandang kinabukasan ang kanyang anak, kahit pa naghihirap ito. Kaya naman araw araw silang nagsasakripisyo upang maipadama ang kanilang pagmamahal sa kanilang mga supling.
Gaya na lamang ng nanay na ito na nagpahanga sa mga tao sa social media! Sa kabila ng kanyang kapansanan, sinisigurado ni Sarah Talbi na magagampanan niya ang kanyang tungkulin bilang ina sa kanyang maliit na anak. Hindi hadlang ang kanyang kapansanan upang alagaan ang kanyang anak na babae.
Read More: Batang Babae na Di Umano’y Pinaglihi sa Barbie, Hinangaan Dahil sa Kakaibang Itsura Nito!
Mayroong sariling Youtube channel si Sarah, kung saan ibinabahagi niya ang kanyang pang-araw araw na buhay kasama ang kanyang anak. At kahit pa wala siyang parehong braso at kamay, talagang nakakamangha ang mga bagay na kaya niyang gawin.
Sa isang video na may title na “Full Armless Mom Afternoon Routine,” ipinakita rin niya ang kanilang bonding time ng kanyang anak. Upang makarga ang kanyang anak, inuutusan niya ito na kumapit sa kanyang leeg at sinusuportahan niya ito gamit ang kanyang upper torso.
Dahil sa kakulangan ng braso, malaki rin ang ginagampanang role ng paa ni Sarah. Natutunan na niyang pakainin ang kanyang anak gamit ang mga ito. Kayang kaya niya ring buksan ang isang bottled water gamit lamang ang kanyang mga paa, bagay na talagang nagpahanga sa mga netizens!
Sa kabilang banda, umani naman ng papuri at paghanga si Sarah sa kanyang kakaibang kakayahan. Maraming netizens ang talagang napabilib sa abilidad nito na alagaan ang kanyang sarili at kanyang anak kahit pa mayroon siyang kapansanan.
Read Also: Business Tycoon, Nag-Regalo ng P700 Million sa Anak na Nakapagbigay sa Kanya ng Lalaking Apo
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like o mag follow sa aming Facebook page.
0 comments:
Post a Comment