Ayon sa kasabihan, hindi mo kasalanan ang ipanganak kang mahirap. Kung ikaw naman ay mahirap pa rin sa iyong pagpanaw, kasalanan mo na ito. Ngunit hindi maikakaila na may mga tao talagang isinilang na maswerte. Isinilang sila sa marangyang pamilya, kaya naman kahit bata pa lang ay namulat na sila sa karangyaan.
Marahil ay sa ganitong pamumuhay rin mamumulat ang bagong-silang na sanggol na ito. Isang business tycoon sa China ang matagal nang nangangarap na magkaroon ng lalaking apo na magiging tagapagmana niya. Ngunit ilang taon ang lumipas ay puro babae lamang ang dumadagdag sa kanilang pamilya.
Read More: “Lumalapit siya, bumebeso siya”- Jessy Mendiola at Ex-BF JM De Guzman, Magkaibigan na nga ba Ulit?
Kaya naman nagbigay ito ng kondisyon. Ayon sa business tycoon, magbibigay siya ng tumataginting na $14.2 million o P683 million sa anak niya na makakapagbigay sa kanya ng lalaking apo! At matapos ang mahabang paghihintay, sa wakas ay natupad na rin ang matagal niyang pinapangarap.
Ang anak niyang si Mario Ho ay nakapangasa ng isang Victoria’s Secret supermodel, at di nagtagal ay biniyayaan sila ng lalaking anak. Labis ang tuwa ng lolo nito, lalo pa’t ito ang kauna-unahan niyang apong lalaki. Kaya naman buong pamilya nila ay bumisita sa ospital nang ipanganak ito.
At gaya ng kanyang pangako, binigyan ng business tycoon ang mag-asawa ng $14.2 million na regalo. Pinangalanan naman nilang Ronaldo ang kanilang anak, at ayon sa mag-asawa ay labis silang natutuwa dahil maraming nagmamahal dito.
Matatandaang tatlong buwan pa lamang ang nakakalipas simula nang ikasal si Mario at Xi Mengyao. Sa araw ng kanilang kasal ay nakatanggap rin sila ng milyones na regalo mula sa kanilang mga bisita.
Read More: Isang Ina, Lumuhod na Nagmakaawa sa Dalagang Anak na Nakipagtanan sa 30-Anyos na Lalaki
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita o viral na kwento, wag mag atubiling mag like at mag follow sa aming Facebook page.
0 comments:
Post a Comment