Sa kalagitnaan ng pandemic, lahat tayo ay mayroong pinagdadaanan. Mahirap man o mayaman, may kanya-kanya tayong pagsubok na kinakaharap, at minsan ay kailangan lang natin magpakalayo-layo para muling makahanap ng lakas. Ito rin ang dahilan kung bakit pansamantalang umalis si Megastar Sharon Cuneta sa Pilipinas.
Kamakailan lang, ibinahagi ni Sharon ang kanyang emosyonal na pamamaalam sa kanyang pamilya bago siya pumunta sa Los Angeles, California. Labis niyang mamimiss ang kanyang pamilya na sina Sen. Kiko Pangilinan at ang mga anak nilang sina Frankie, Miel, at Miguel Pangilinan.
Read More: “Start fresh”- Jennica Garcia, Binenta na ang mga Gamit na Naipundar Nila ni Alwyn Uytingco
Sa Instagram, makikita ang mahigpit na yakap ni Sharon sa kanyang mga anak. Nagbahagi rin siya ng kanyang farewell selfie sa airport, kung saan makikitang nakasuot ang Megastar ng hoodie, face mask, at face shield.
Ayon kay Sharon, labis niyang mami-miss ang kanyang pamilya habang nasa California na siya. Nilinaw ni Sharon na ang kanyang pamilya pa rin ang magsisilbing totoong tahanan niya, ngunit kailangan niya lang muna magpalakas. Hindi naman nilinaw ng beteranang star ang totoong dahilan ng paglisan niya.
“Praying and saying bye to my family. I’m going home. Of course my real home, where my heart is, is where my husband and children are. But tonight I am flying home to my Mommy’s Gramps’ country, where only my eldest and I are legal residents. I need to breathe, collect myself, gain strength. Love you all and will miss you guys.”
Maraming fans naman ang siguradong makakamiss kay Sharon. Isa siya sa mga celebrity judges ng talent search program na “Your Face Sounds Familiar” sa ABS-CBN. Sa kabilang banda, hindi naman ibinunyag ng Megastar kung long-term ba o pansamantala lamang ang balak niyang pamamalagi sa California.
Read More: Mommy Pinty, Naging Emosyonal Matapos Alalahanin ang Pag-Aagaw Buhay ni Toni
Ano ang masasabi niyo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like o mag follow sa aming Facebook page.
0 comments:
Post a Comment