Karamihan sa mga babae ay nais maging ina. Talagang walang makakapantay sa kasiyahan kapag nagkaroon ka ng anak na mamahalin at gagabayan mo habang buhay. Ngunit nakakalungkot isipin na maraming kababaihan ang nahihirapang magka-anak. Habang mas nagkaka-edad ang isang babae, mas nahihirapan rin siyang magbuntis dahil sa pagbabago ng kanyang katawan.
Ngunit may mga mangilan-ngilan pa rin na sinwerte sa tulong ng medisina. Dahil sa modern technology natin ngayon, maaari nang matulungan ang mga babaeng may edad na magkaroon ng anak sa pamamagitan ng iba’t-ibang procedures. Isa sa kanila ay ang 72-anyos na babaeng ito mula sa India.
Read More: Zeinab Harake, Ipinasilip ang Mukha ng Napakacute na Baby Nila ni Skusta Clee
Napa-“wow” ang mga tao sa buong mundo matapos kumalat ang balita na nanganak ang 72-anyos na babaeng si Daljinder Kaur mula sa India sa pamamagitan ng in-vitro fertilization o IVF. Bago ito, mahigit apat na dekadang sinubukang magkaroon ng anak ni Kaur at ng kanyang asawa, ngunit hindi sila pinalad.
Matapos ang 46 na taon, walang bunga ang kanilang pagmamahalan. Kaya naman lumapit sila sa isang fertility doctor upang humingi ng tulong. Gamit ang mga donor eggs, matagumpay na nagdalang-tao si Kaur. Ngunit hindi rin ito naging madali dahil mahigit tatlong taon silang sumubok dito.
Sulit naman ang kanilang mga sakripisyo at mahabang paghihintay, dahil sa wakas ay nagsilang si Kaur ng isang healthy baby boy! Walang mapaglagyan ng tuwa ang mag-asawa matapos makita ang kanilang anak. Agad namang napabalita sa buong mundo ang kakaibang pangyayaring ito.
Sa isang interview, inamin ni Kaur na hindi madali ang pagiging ina, lalo pa’t nagkaka-edad na sila ng kanyang asawa. Gayunpaman, laking pasasalamat nila dahil nabigyan sila ng pagkakataon na magkaroon ng anak.
Read More: Netizens, Naaliw sa Behind-the-Scenes Outfit ni Iya Villania sa “Chika Minute”
Ano ang masasabi mo sa kwentong ito? Ibahagi lamang ang inyong opinyon sa comments section sa ibaba. Para sa iba pang latest na balita o viral na kwento, wag mag atubiling mag like o mag follow sa aming Facebook page.
0 comments:
Post a Comment