Karamihan sa atin ay mahilig magpaganda. Upang ma-achieve ang ating mga goals, willing rin tayong mag-try ng kung ano-anong procedure gaya na lamang ng nauusong eyelash extension ngayon. Kung nais mong pahabain ang iyong mga pilikmata ng hindi gumagamit ng mascara, maaari mong subukan ang eyelash extension, ngunit mag-iingat ka lamang dahil baka matulad ka sa mga ito.
Kamakailan lang, na-feature sa “Kapuso Mo, Jessica Soho” ang kwento ng mga dalagitang ito na nagpa-eyelash extension. Ngunit sa kasamaang palad, nakaranas sila ng masalimuot na side effects dahil sa hindi maayos na pagkakabit ng mga eyelashes. Dahil dito, namaga ang kanilang mata, at kinailangan pang ma-operahan ng isa.
Read More: Maui Taylor, Nag-Viral Matapos Sagutin ang Lalaking Nambastos sa Kanya Online!
Isa na sa kanila si Nicka. Ayon sa kanya, nagpakabit siya ng eyelash extension na nagkakahalaga ng P100 sa kanyang kapitbahay. Ngunit hindi nagtagal, humapdi ang kanyang mata matapos malagyan ng glue ang kanyang talukap. Agad rin daw niyang pinatanggal ito.
“Gusto ko sana gumanda yung pilik-mata ko. Kaya ko naisipang magpa-eyelash extensions. Kaso, pagkabit ng eyelash, ang bigat na ng pakiramdam ko.
“Yung mata ko, namula! Nagbuhol-buhol na rin yung pilik mata ko. Hanggang sa yung mata ko, lumobo na parang may nana sa loob. Tapos unti-unti nang natatanggal yung pilik-mata ko, hanggang sa makalabo na ng tuluyan.”
Ayon naman kay Kimberly, matapos magpalagay ay agad siyang nakaranas ng kirot. Dumating sa punto na namaga ng tuluyan ang kanyang mata, hanggang sa hindi na niya ito maimulat. Kinailangan niyang pumunta mismo sa ospital upang matanggal ang nana na namuo dito.
“Gusto ko po kasi ibalik yung confidence ko sa sarili. Kaya naisipan kong magpa-eyelash extensions. Nung pagkakabit, sobrang hapdi. Sobrang sakit niya. Yung mata ko, namaga na. Mangiyak-ngiyak po ako sa sobrang sakit. Pulang-pula na yung mata ko. Natakot ako kasi baka kung ano ang mangyari sa mata ko.”
Sa kabilang banda, nagbabala naman ang mga eksperto na maging mapanuri at maingat sa ganitong klaseng procedure. Kung nagbabalak na magpakabit ng eyelash extension, mas makabubuting siguraduhin na professional ang magkakabit upang maiwasan ang mga ganitong pangyayari.
Read Also: Batang Siyam na Taong Gulang, Nagta-Trabaho Bilang Mascot Para Makatulong sa Kanyang Pamilya
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita o viral na kwento, wag mag atubiling mag like o mag follow sa aming Facebook page.
0 comments:
Post a Comment