Sa kabila ng mga pangit na pangyayari sa paligid natin ngayon, mayroon pa ring mga magagandang bagay na nangyayari. Marami pa ring tao na mayroong mabuting kalooban ang handang magbigay ng tulong sa mga nangangailangan. Gaya na lamang ng delivery rider na ito, na kamakailan lang ay nag-viral sa social media dahil sa kabutihang ginawa nito!
Isang netizen na nagngangalang Patrick Mariano ang nakasaksi kung paano tinulungan ng driver ang isang matandang sorbetero.
Habang umuulan sa labas, makikita ang isang matandang lalaki na nakasuot ng kapote at naglalako ng ice cream. Tila hindi iniinda ni Lolo ang ulan at lamig sa kabila ng kanyang edad.
Read More: “Tiis Ganda”- Babaeng Nagpakabit ng Eyelash Extension, Muntik ng Mabulag Matapos Mamaga ang Mata!
“May nakita ako sa labas na delivery truck na biglang pumarada sa harap ng bahay namin. Doon ko nakita na tinigilan pala nila si tatay na naglalako ng ice cream habang umuulan.
Inubos na pala nila yung tinda ni tatay para makauwi na at hindi na magkasakit dahil raincoat lang at sumbrero ang suot na proteksyon sa ulan ni tatay,” ayon sa viral post ni Patrick.
Bukod sa pagtulong kay Tatay, pinakyaw rin ng delivery driver ang paninda nito upang makauwi na siya! Nais rin nilang maging ligtas si Tatay upang hindi ito magkasakit dahil sa ulan.
Ayon naman kay Patrick, itinanggi ng pamilya ni Tatay na pinagta-trabaho nila ito. Bagkus si Tatay raw mismo ang nais magtinda ng icecream dahil ayaw nitong walang ginagawa sa bahay.
“Si tatay lang daw po di umano ang may gustong lumabas at magtinda. Hindi daw sya nire-require ng family nya. Siguro nasanay lng talaga si tatay na magtrabaho mula pagkabata nya kaya ayaw daw niya manatili sa bahay,” pahayag ni Patrick sa kanyang post matapos makausap ang pamilya ng ice cream vendor.
Read More: “Bimby is not gay”- James Yap, Nag-React sa Bali-Balitang Kumakalat Tungkol sa Anak na si Bimby
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita o viral na kwento, wag mag atubiling mag like o mag follow sa aming Facebook page.
0 comments:
Post a Comment