Libo-libong Pilipino ang apektado dahil sa pandemic. Hindi lingid sa kaalaman ng lahat na mahirap man o mayaman, may kanya-kanya tayong pinagdadaanan dahil sa mga pagsubok na ito. Kahit pa sagana ka sa buhay, mararanasan mo ring masadlak dahil sa epekto ng lockdown at pandemic. Isa na sa mga nakaranas ng hirap na ito ay ang celebrity couple na sina Robin Padilla at Mariel Rodriguez.
Kamakailan lang, inamin ng 51-anyos na action star na may matindi silang pinagdadaanan ng kanyang pamilya. Kahit pa sagana sila, nasubok ang kanilang katatagan dahil sa pandemic. Sa Instagram, ibinahagi ni Robin na maging ang savings para sa kanilang mga anak ay nagalaw na nila.
Read More: Angel Locsin, Pasimpleng Nag-Abot ng Pera sa Isang Tatay na Umiiyak sa Ospital
“Hindi lamang po kayo ang hirap, pati po kami sa aming tirahan ay masikip na masikip na ang sinturon sa pagtitipid. Ang mga savings ay naghihingalo na kaya’t pati ang nakalaan para sa edukasyon ng mga bata ay nagalaw na, pero patuloy pa rin naming itinatawid ang mga taong nasa pakpak namin,” pagbabahagi ng beteranong aktor.
Bukod sa pandemya, mas lalo pang sinubok ang tibay ng mag-asawa matapos mawalan ng trabaho si Mariel. May 2020 nang ipasara ang ABS-CBN na naging home network ni Mariel sa loob ng ilang taon.
Dahil dito, kinailangan nilang magtipid at magbawas ng expenses para rin patuloy na mapasahod ang mga taong umaasa sa kanila.
Sa kabila ng lahat, mas piniling magiging matatag ni Robin at Mariel para malampasan nila ang mga pagsubok na ito. Sa katunayan, nag-open rin si Mariel ng business upang makatulong sa kanilang pangtustos.
Hinimok rin ni Robin ang kanyang mga kapwa Pilipino na wag sumuko sa kabila ng mga pagsubok na hinaharap dahil malalampasan rin nila ito.
“Walang may masarap na buhay ngayon kundi yung mga nalathala na mas yumaman noong nagka pandemya pero tayong mas nakakaraming mga Pilipino ay tagilid na ang bangka. At ang iba ay taob na at naka salbabida na lang para hindi tuluyang lumubog. Wag tayong susuko mga kababayan, magtulungan tayo,” dagdag pa ni Robin.
Read More: Maui Taylor, Nag-Viral Matapos Sagutin ang Lalaking Nambastos sa Kanya Online!
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita o viral na kwento, wag mag atubiling mag like o mag follow sa aming Facebook page.
0 comments:
Post a Comment