Kakaiba talaga ang talento ng mga Pinoy! Saan mang panig ng mundo, kinikilala ang mga Pilipino sa angkin nating husay at galing sa iba’t-ibang larangan. Kamakailan lang, muli na namang namangha ang mga netizens sa taglay na talento ng kambal na ito mula sa Cebu. Maging si Will Smith ay napabilib nila sa kanilang beatboxing video!
Matatandaang nakilala sa social media ang kambal na sina Joemar at Jake Canencia sa kanilang unique na talento. Ibinahagi nila online ang kanilang video, kung saan makikitang nagbi-beatbox ang kambal ng kanta ni Martin Garrix na “Animals.” Agad namang kumalat ang video nila online, at isa sa mga nakakita dito ay ang Hollywood actor na si Will Smith.
Talagang namangha si Will Smith sa angking talento ng kambal. Ayon pa sa aktor, kung hindi pa nauso ang internet, malamang ay hindi rin madidiskubre ang nakatagong talento gaya na lamang ng kambal na ito.
“Before the internet people would be just good at something like this and nobody would know. Tragedy! Shoutout Jomar and Jake, this is spectacular,” pahayag ni Smith sa kanyang official Instagram account.
Sa ngayon ay umabot na sa mahigit 7.6 million views ang video ng kambal. Maging ang singer at DJ na si Martin Garrix ay napansin ito.
“We’re so happy because Mr. Will Smith saw our video and was even amazed by our talent. We thought we can only reach Philippine audiences, but our video has already gained attention from different parts of the world,” pahayag ni Joemar at Jake matapos ibahagi ni Smith ang kanilang video online.
Ayon pa sa magkapatid, isang karangalang maituturing ang mapansin ng sikat na Hollywood actor ang kanilang video. Bago daw ito, hindi nila inaakala na aabot sa ibang bansa ang kanilang angking talento. Maraming netizens rin ang umaasa na mas lalo pang mabibigyan ang kambal ng pagkakataon upang ipamalas ang galing nila sa beatboxing.
Read Also: Jamill, Nag-Public Apology sa Harap Mismo ni Tulfo Matapos Ireklamo ng Inindyan Nilang Stylist!
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like o mag follow sa aming Facebook page.
0 comments:
Post a Comment