Wala na nga bang pag-asang magkabalikan ang celebrity couple na sina Jennica Garcia at Alwyn Uytingco? Yan ang tanong na bumabagabag sa mga fans matapos ang hiwalayan ng dalawa na naging usap-usapan sa social media. Matatandaang noon Abril ay napabalita ang hiwalayan ng dalawa matapos umalis si Jennica sa bahay kasama ang kanilang dalawang anak.
Ayon sa ninang ni Jennica na si Cristy Fermin, hindi na nagsasama sa iisang bubong pa ang mag-asawa matapos umalis ni Jennica.
Dagdag pa nito, kasalukuyang nagre-rent ang mag-iina ng condo unit. Naiwan naman sa kanilang tahanan si Alwyn, na nananatiling tahimik tungkol sa kanilang hiwalayang mag-asawa.
Kamakailan lang, nag-anunsyo rin si Jennica sa Facebook at Instagram na magbebenta na siya ng kanilang mga gamit.
Ayon sa dating aktres, hindi na niya dadalhin sa kanilang bagong unit ang mga furniture at iba pang gamit pambahay, kaya naman ibebenta niya na lang ito sa live-selling niya sa Facebook.
“Break po tayo sa pag tinda ng 6PM magpapatulog lang po ng mga bata then LIVE AGAIN ng 9PM on my Facebook Page: Jennica Garcia. Marami po ito gawa ng ayoko na po sana dalhin pa sa lilipatan namin na unit ng mga bata. Start fresh ika-nga. Hanep! Naka hugowt pa sa morning. Sana sold out po ulit tayo ha? See you.”
Dagdag pa ni Jennica, kaya niya binitawan ang mga gamit na naipundar nila ni Alwyn ay para magkaroon rin sila ng fresh start ng mga bata. Dahil dito, maraming fans ang nabahala na baka malabo na ang magkabalikan pa ang mag-asawa.
Sa kanyang nagdaang interview kasama si Cristy Fermin, hindi rin inamin ni Jennica ang dahilan ng kanilang hiwalayan. Ayon sa dating aktres, sa ngayon ay mas gusto muna nilang gawing pribado ang kanilang isyu at saka na lamang mago-open up kapag ready na sila.
Read Also: Alexa Ilacada, Nais Magpa-Psychiatrist Dahil sa Kanyang mga Pinagdadaanan Ngayong Pandemic
Ano ang masasabi niyo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like o mag follow sa aming Facebook page.
0 comments:
Post a Comment