Talagang wala nang makakapigil sa pag-iisang dibdib ng celebrity couple na sina Carla Abellana at Tom Rodriguez! Matatandaang noong nakaraang taon lamang nang mag-propose ang Kapuso actor sa kanyang long-time girlfriend. Kamakailan lang, ibinahagi ng Facebook page ng “Parokya ni San Guillermo” ang wedding bann ng dalawa.
Nag-viral sa social media ang wedding announcement ng dalawa. Ayon sa post, nakatakda na ang araw ng kasal ng dalawa sa October 23, 2021. Gaganapin ito sa Madre de Dios Chapel sa Tagaytay. Agad namang kumalat sa Facebook ang wedding bann na ito, at maraming netizens ang talagang kinilig.
Read More: Tekla at Marco, Napikon kay Donnalyn Dahil sa Umano’y ‘Unfair Rules’ Nito sa Pool Challenge!
Agad namang ipinaliwanag ng Kapuso actress ang dahilan ng kanilang wedding bann. Sa Instagram, ipinahayag ni Carla na isa itong requirement sa lahat ng ikakasal na Katoliko. Inaanunsyo sa publiko ang pangalan ng mga ikakasal. Sa ganitong paraan, malalaman rin daw kung mayroon bang hadlang o tutol sa kasalan ng mag-asawa.
“Hello everyone! A wedding bann is a church requirement for Catholics getting married in any and all Catholic churches in the Philippines. It is a necessary step to be able to secure a wedding permit, proclaiming an intention of marriage with the object that persons aware of any impediment to the marriage may make their objection known.”
Matatandaang noong Marso ay ibinahagi ng Kapuso actor na nag-propose na siya sa kanyang girlfriend of six years. Nitong nakaraang taon lamang ay naghanda si Tom ng isang simple ngunit memorableng proposal para kay Carla, ayon sa post niya sa Instagram. Ibinigay naman ng aktres ang kanyang matamis na oo, kaya’t officially engaged na sila ngayon!
Ayon sa Nice Print Photography, na siyang official photographer sa proposal nila Tom at Carla, naganap ang proposal noong October 2020. Talaga namang maiging pinag-isipan ni Tom ang kanyang wedding proposal. Ginanap ito sa isang garden na venue, kung saan napapalibutan ang couple ng romantic white roses.
Read Also: Sharon Cuneta, Emosyonal na Namaalam sa Kanyang Pamilya Upang Magpalakas Abroad
Ano ang masasabi niyo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita o viral na kwento, wag mag atubiling mag like o mag follow sa aming Facebook page.
0 comments:
Post a Comment