Ang “FPJ’s Ang Probinsyano” ang itinuturing na longest-running television series sa Pilipinas. Taong 2015 ng simulang umere ito sa Kapamilya network. Ang action shoow ay pinagbibidahan ni Coco Martin, na gumanap bilang si Cardo Dalisay. Sa loob ng ilang taon, sinubaybayan ito ng mga televiewers, na sabik mapanood ang mga pangyayari sa buhay ni Cardo.
Sa ilang taon nitong pag-ere, maraming respetado at batikang artista na rin ang napabilang sa cast ng “Ang Probinsyano.” Kabilang sa kanila ay sina Susan Roces, Eddie Garcia, Edu Manzano, Maja Salvador, Agot Isidro, Tirso Cruz III, Bela Padilla, Arjo Atayde, Albert Martinez, Dawn Zulueta, Sid Lucero, Mark Anthony Fernandez, JC Santos, Lito Lapid, at marami pang iba.
Ngunit kamakailan lang, umugong ang bali-balita sa social media na magwawakas na ang programang ito. Matapos ang mahigit na limang taon na pag-ere, ayon sa mga usapan ay magtatapos na ito at hanggang sa susunod na buwan na lamang daw ito mapapanood. Totoo nga kayang mamamaalam na sa telebisyon si Cardo Dalisay?
Talaga nga namang nalungkot ang mga fans sa kumakalat na balitang ito. Ngunit sa isang statement mula sa isang Kapamilya insider, pinabulaanan nito ang mga kumakalat na tsismis.
Ayon sa Philippine Entertainment Portal, ibinalita sa kanila ng mapagkakatiwalaang insider na katatapos lamang ng lock-in tapin ng sixth cycle ng programa.
Magkakaroon lamang daw ng sandaling break upang makasama rin ng mga casts ang kani-kanilang pamilya. Ngunit pagkatapos nito, balik ulit sila sa taping sa susunod na buwan. Ayon pa sa insider, magkakaroon daw ng seventh cycle ang programa, at muling magte-taping ang mga casts para sa isang buwang episodes.
Kaya kung nalungkot ka sa balitang ito, wag kang mag-alala dahil mapapanood mo pa ng matagal si Cardo Dalisay sa telebisyon. Sa kabilang banda, hindi naman nagbigay ng komento ang aktor at direktor sa mga kumakalat na balitang ito.
Ano ang masasabi mo sa kwentong ito? I-share lamang ang inyong komento o parehong karanasan sa comments section sa ibaba. Para sa iba pang viral na kwento at latest na balita, wag mag atubiling mag follow sa aming Facebook page.
0 comments:
Post a Comment