Marami sa atin ang nangangarap na gumanda. Kaya naman kung ano-anong kolorete ang sinusubukan natin para lamang masiguradong makinis ang ating balat. Ngunit kailangan pa ring maging mapanuri sa ating mga produktong ginagamit. Sa panahon ngayon, maraming nagkalat na pekeng produkto o di kaya’y mayroong delikadong kemikal na maaaring makasira sa ating balat.
Kamakailan lang, ibinahagi ng “Kapuso Mo, Jessica Soho” ang kwento ng isang lady guard na si Evelyn. Katulad ng maraming babae ay mahilig rin si Evelyn sa mga kolorete sa kanyang mukha. Ngunit hindi niya inaakala na ito na pala ang maglalagay sa kanya sa bingit ng panganib!
Ayon sa asawa niyang si Romeo, dati pa man ay mahilig ng magpaganda si Evelyn. Maalaga rin daw ito sa kanyang balat, kung kaya naman kung ano-anong produkto ang inilalagay nito sa kanyang mukha.
Ngunit isang araw, nagulat na lamang daw sila nang mangitim ang mukha nito! Di nagtagal ay sinugod nila si Evelyn sa ospital dahil halos hindi na rin ito makapagsalita.
“Naawa ako sa aking mama dahil nagkaganyan ang mukha niya. Ang ganda ng mama ko, bakit naging ganyan ang kanyang mukha? Nagkasugat-sugat na. Kung mag-trabaho siya, magpapaganda talaga siya. Maarte talaga siya sa katawan,” pahayag ni Meshiel, na isa sa mga anak ni Evelyn at nagbabantay sa kanya sa ospital.
February 15 raw nang nagsimula si Evelyn na gamitin ang koloreteng iyon. Ilang araw ang nakalipas at namaga ang mata nito, hanggang sa nangitim na ang buong katawan niya. Ngunit ayon naman sa isang dermatologist, kung ito ay dahil sa kolorete, dapat ay sa mukha niya lamang ito kumalat at hindi sa buong katawan.
Ilang araw matapos ito ay tuluyang pumanaw na si Evelyn. Hanggang ngayon ay mayroong agam-agam pa rin ang kanyang pamilya sa totoong dahilan ng kanyang pagkasawi.
Sa kabilang banda, ayon naman sa mga doktor na sumuri kay Evelyn, mayroon siyang toxic epidermal necrolysis. Isa raw itong adverse reaction mula sa pag-inom ng gamot. Hindi rin daw ito nakukuha mula sa mga pinapahid lang na beauty products sa mukha.
Read Also: “Mabilis magalit”- Mga Kasambahay ni Vice Ganda, Nagsalita na Tungkol sa Attitude Problem Nito!
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section below. Para sa iba pang latest na balita o viral na kwento, wag mag atubiling mag follow o mag like sa aming Facebook page.
0 comments:
Post a Comment