Ayon nga sa kasabihan, wag mong husgahan ang tao base sa kanyang panlabas na kaanyuan. Ngunit nakakalungkot isipin na maraming tao pa rin ang judgmental sa panahon ngayon. Ibinabase nila sa panlabas na kaanyuan ng isang tao kung paano nila ito tatratuhin. Ngunit pinatunayan naman ng huwarang vlogger na ito na hindi ito tama.
Hinangaan ng mga netizens ang vlogger na si Virgelyn Cares dahil sa makabagbag-damdaming content nito. Kamakailan lang, ibinahagi nito ang nakakaantig na kwento ng buhay ng isang matandang lalaking may karamdaman. Ayon kay Virgelyn, labis siyang naantig sa kwento ni Tatay Domingo.
Read Also: Confirmed! Matapos Mag-Deny, Nabuking Rin ang Tinatagong Relasyon ni Heaven Peralejo at Kiko Estrada
Ayon kay Tatay Domingo, 12-anyos pa lamang siya nang simula siyang tubuan ng mga bukol bukol sa kanyang buong katawan. Dahil dito, hindi na siya nakabalik sa paaralan dahil sa pangungutyang natatanggap niya mula sa kanyang mga kaklase. Dahil sa kakulangan ng pera ay hindi niya rin ito naipa-konsulta sa doktor.
Giit ni Tatay Domingo, hindi naman nakakahawa ang kanyang sakit. Sa katunayan, mayroon siyang asawa at mga anak, ngunit hindi naman sila nagkaroon ng bukol sa katawan. Sa kabila nito, hindi mapigilang husgahan at pandirian siya ng ibang taong nakakasalamuha niya sa publiko.
Upang kumita ng pera, naghahanap ng kalakal ni Tatay Domingo at ibinebenta niya ito sa junkshop. Ngunit kakaunti lamang ang nalilikom niyang basura dahil nahihirapan siyang maglakad at wala silang tricycle. Kaya naman tinulungan ni Virgelyn si Tatay Domingo na makaraos sa kanyang pang-araw araw na pasakit.
Mula sa donasyon ng kanyang mga subscribers, binigyan ni Virgelyn si Tatay Domingo ng tulong upang may maipangtustos ito sa kanyang pamilya.
Hindi rin nagdalawang isip si Virgelyn na yakapin si Tatay Domingo, bagay na nagpaluha naman dito. Labis rin ang pasasalamat niya sa tulong na natanggap niya mula sa vlogger.
Read More: AJ Raval, Nakatikim ng Sermon sa Amang si Jeric Dahil sa Malaswang Suot sa Carwash Video!
Silipin ang buong vlog dito:
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.
0 comments:
Post a Comment