Hindi madali ang buhay ng mga magsasaka. Araw-araw silang nagbibilad sa araw at nagta-trabaho sa bukid para lamang makapagtanim ng ating mga kinakain. Ngunit ang masaklap dito, kahit pa napakahalaga ng kanilang tungkulin sa lipunan ay maliit lamang ang kanilang kinikita. Minsan ay hindi pa ito sapat para makabili ng makinarya.
Dito sa Pilipinas, kung walang traktora, kadalasan ay gumagamit ng kalabaw ang mga magsasaka upang maararo ang bukid.
Sa tulong ng kalabaw ay madaling nabubungkal ang lupa upang maihanda ito sa pagtatanim ng palay. Ngunit hindi lahat ng magsasaka ay may kakayanang bumili ng kalabaw o traktora.
Read More: Sila na nga ba? Bea Alonzo at Dominic Roque, Huli sa Kamera na Magka-Holding Hands!
Gaya na lamang ng mag-amang ito mula sa Brgy. Danus, Leyte. Dahil sa kakapusan ng pera, napilitan si Ismael Malabat na mano-manong araruhin ang kanilang bukid. Tinulungan naman siya ng kanyang anak, ngunit hindi maitatanggi na mahirap pa rin ito dahil wala silang anumang kagamitan.
Kadalasan raw ay pinagtatawanan pa ang kanyang anak dahil imbes na kalabaw ay sila mismong mag-ama ang umaararo sa bukid.
Napansin naman ng TV 5 broadcaster na si Raffy Tulfo ang nakahahabag na sitwasyon ng mag-ama, kaya naman itinampok niya ang mga ito sa kanyang programa na “Wanted sa Radyo.”
Ayon kay Tulfo, labis ang paghanga niya dahil dakila ang propesyon ni Tatay Ismael. Upang maibsan ang pasanin nito, niregaluhan siya ni Tulfo ng Php 38,000 pambili ng kalabaw na makakatulong sa kanila sa pag-aararo ng bukid. Ngunit mas lalo pang dinagdagan ni Tulfo ang regalo sa kanila!
Dahil sa kasipagan ng mag-ama, ginawa ng Php 100,000 ni Tulfo ang regalo sa kanila para na rin sa pangangailangan ng magpapamilya.
Sa kanilang video call, nakita rin ni Tulfo na sira-sira na ang kanilang tahanan, kaya naman nangako ito na ipapaayos ang kanilang bahay at bibilihan pa sila ng mga bagong kagamitan.
Read More: Sila na nga ba? Bea Alonzo at Dominic Roque, Huli sa Kamera na Magka-Holding Hands!
Panoorin ang buong video dito:
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.
0 comments:
Post a Comment