Karamihan sa atin ay hindi nakakakuha ng sapat na tulog araw-araw. Kadalasa’y binabalewala lamang natin ang kahalagahan nito hanggang sa huli na. Kamakailan lang, nagbahagi ng kanyang karanasan ang aktres na si Denise Laurel. Ayon kay Denise, hindi niya inaasahan na ang pagpupuyat niya ay hahantong sa matinding karamdaman.
Si Denise ang itinanghal na grand winner ng talent search program na “Your Face Sounds Familiar 2.” Ngunit sa kalagitnaan ng competition, naramdaman ni Denise na tila ba may malaking pagbabago ang katawan niya. Kahit pa aktibo siya ay kapansin-pansin di umano ang pagdagdag ng kanyang timbang.
“I couldn’t understand because I was so healthy, I was working out, I was doing soap and Your Face at the same time, pero I was gaining weight. Yun pala that’s my body, it’s stressed na. My body started acting up,” pahayag ng aktres sa kanyang exclusive interview sa Wellness Moms.
Dagdag pa nito, matapos niyang magpakonsulta sa doktor ay nakakita sila ng mga cysts sa iba’t-ibang parte ng katawan ni Denise. May na-detect silang mass sa kanyang dibdib, lymph nodes, at ovaries. Ipinaliwanag rin ng doktor na pagpupuyat ang maaaring sanhi ng karamdaman niya.
“Twenty-one years of non-stop working and pushing myself to the limits sometimes, which I love to do. No one is really invincible. I’ve been on a break, getting healthy, and today is a beautiful day because I just found out I do not have cancer. Do not take sleep for granted.”
Ipinaalala rin ni Denise ang kahalagahan ng sapat na pahinga at tulog. Dahil kahit gaano ka pa kalakas at active, mahalagang nakakakuha ka pa rin ng sapat na tulog araw araw. Sa ngayon ay malaki rin ang pasasalamat ni Denise dahil hindi humantong sa malalang karamdaman ang kanyang iniinda.
Read Also: Maxene Magalona, Ipinaliwanag ang Kanyang Namumugtong Mata na Ikinabahala ng mga Fans
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.
0 comments:
Post a Comment