Hindi makukumpleto ang pag-iisang dibdib kung walang prenuptial photos! Sa panahon ngayon, usong-uso na an mga prenuptial pictorial kung saan magpapakuha ng larawan ang groom at bride. Iba’t-ibang diskarte rin ang mga couple para magkaroon ng unique at kakaibang prenup. Kamakailan lang ay nag-viral sa social media ang prenuptial photoshoot na ito ng isang matandang mag-asawa!
Kinilala ang mag-asawa bilang si Tatay Renato at Nanay Virginia Moncera. Sa ilang dekadang pagsasama ng dalawa, nagbunga ang kanilang pagmamahalan ng labindalawang anak! Kaya naman sa kanilang 50th wedding anniversary, nagkaroon ng surprise photoshoot ang dalawa na inorganize ng kanilang mga anak.
Read also: Ivana Alawi, Ibinuking Kung Sino ang Hunk Actor na Ito na Matagal na Niyang Hinahangaan!
‘Love never gets old’ ang tema ng kanilang animo’y prenuptial photo shoot, kung saan naka gown at suit si Tatay Renato at Nanay Virginia. Nagulat na lamang daw sila nang yayain sila ng kanilang mga anak sa hotel, kung saan naka-ready na ang mga gagamitin sa photoshoot.
“Surprise kasi talaga. Nalaman na lang namin yung nandoon na kami sa hotel. Yung kasama na namin. Dun ko naintindihan na pakana lahat ng anak namin,” pahayag ni Nanay Virginia.
Ayon naman kay Tatay Renato, hindi na nila kailangan pa ng mga mabubulaklak o matatamis na salita para iparamdam ang pagmamahal nila sa isa’t-isa. Sa kanilang simpleng sulyap sa isa’t-isa ay alam na nila ang mensaheng nais nilang iparating at hindi na ito kailangang banggitin pa.
“Parang biglaan lang. Di ko pa nasasabing mahal ko siya kasi di ko rin naman narinig sa kanyan nagsabi na ‘mahal kita’ o ano. Kami sa pagtingin lang nagkasundo lang sa biruan. Yun ang love life namin,” ang nakakakilig na pahayag ni Tatay Renato sa kanyang interview.
Dahil dito, hindi na nakakapagtaka kung bakit maraming netizens ang napa-‘sana all’ sa nakakakilig na love life nila! Ang wagas at tapat na pag-iibigan ni Tatay Renato at Nanay Virginia ang nagpapatunay na mayroong ‘forever,’ kung ikaw ay mapupunta lamang sa tamang tao na para sa iyo.
Ano ang masasabi mo sa kwentong ito? I-share lamang ang inyong opinyon o parehong karanasan sa comments section below. Para sa iba pang viral na kwento o balita, wag mag atubiling mag follow sa aming Facebook page.
0 comments:
Post a Comment