Isang dating mekaniko ang naging instant milyonaryo na ngayon! Hinangaan ng mga netizens ang nakaka-inspire na life story ni Johnny Tugot mula sa Cebu. Si Johnny ay may-ari ng maraming automotive stores sa Cebu at Negros Oriental. Ipinanganak na may kapansanan si Johnny, kaya naman bata pa lamang siya ay lagi na siyang tinutukso, ngunit hindi siya sumuko sa kanyang mga pangarap.
Dumating sa punto na hindi na niya kinaya ang pangungutya sa kanya, kaya naman nagdesisyon si Johnny na tuluyang lumayas sa kanila. Patuloy naman siya sa pagkayod para sa pang-araw araw na sustento.
Naranasan niya ang magbenta ng gulay sa palengke, hanggang sa natuto rin siyang mag-ayos ng mga sirang sasakyan at motorsiklo.
Read also: Halos Magunaw ang Mundo ng Nanay na Ito Matapos Bawian ng Buhay ang Anak Niya Habang Natutulog
Nalulong rin siya sa ipinagbabawal na gamot, ngunit nang makapag-asawa ay pinilit ni Johnny na magbagong-buhay. Matapos mag-asawa ay lumipat sa Cebu si Johnny, kung saan nakilala niya ang kanyang dating boss na naging inspirasyon niya.
Dito na nagsimulang magbago ang buhay ni Johnny. Malaki ang utang na loob ni Johnny sa kanyang boss dahil marami siyang natutunan dito.
Nagtatrabaho siya dito bilang isang mekaniko sa loob ng ilang taon. Nang pumanaw na ang may-ari, laking gulat na lamang ni Johnny at ng asawa niya na sa kanya ipinamana ang business na ito!
Kaya naman labis na minahal ni Johnny ang automotive shop at mas nagpursigi pa silang palaguin ito. Dahil sa kanyang pagsisikap, nagawa rin ni Johnny na bumili ng sariling bahay nila at iba pang ari-arian.
Napagtapos niya rin ng pag-aaral ang kanyang mga anak sa tulong ng business na ito. Sa ngayon ay nagsisilbing inspirasyon si Johnny para sa maraming tao.
Hinihimok niya rin ang iba na hindi pa huli para baguhin ang takbo ng kanilang buhay. Ayon kay Johnny, nasa kamay mo ang iyong kapalaran at hindi ka aasenso kung hindi ka rin kumakayod!
Ano ang masasabi mo sa mga tips na ito? I-share lamang ang inyong opinyon o parehong karanasan sa comments section below. Para sa iba pang viral na kwento o balita, wag mag atubiling mag follow sa aming Facebook page.
0 comments:
Post a Comment