Bilang mga magulang, hangad natin ang mabantayan ang ating mga anak, lalo na kung sila ay bata pa lamang. Ngunit minsan, kahit gaano ka pa kaingat, hindi maiwasang magkaroon ng mga di-inaasahang pangyayari na maaaring magresulta sa peligro. Katulad na lamang ng nangyari sa mag-anak na ito sa Quezon City matapos bawian ng buhay ang kanilang anak.
Isang batang lalaki na dalawang taong gulang ang nasawi matapos aksidenteng makuryente. Ang biktima ay kinilalang si Jake Angara, na noong February 7 lamang nagdiwang ng kanyang ikalawang kaarawan. Ayon sa nanay na si Eloisa, nakuryente ang kanyang anak matapos itusok ang kutsara sa kanilang electrical outlet.
Read also: Nanganib ang Buhay ng Batang Ito Matapos Makalunok ng Wire Mula sa Kinakaing Lugaw
Sa panayam ng GMA News, ibinahagi ni Eloisa na nagpatimpla ng dede ang kanyang anak. Nakita raw niya na pakalat-kalat ang kutsara, kaya naman pinulot niya ito at inilagay sa mataas na lagayan na hindi abot ni Jake. Nagulat na lamang siya ng marinig ang sigaw ng kanyang asawa.
“Nong bubuksan ko na ang pintuan, may pumutok, kinabahan ako. ‘Kala ko may nalaglag lang or what. Napasigaw na ‘yung asawa ko. Sana di ko na lang siya iniwan sa taas. Sana hinawakan ko na lang siya, sana inalagaan ko siya sa baba,” pahayag ni Eloisa.
Dito na nila nakita ang kanyang anak na walang malay. Sinugod pa ng mag-anak ang bata sa isang malapit na ospital.
Sinubukan rin ng mga doktor na i-revive si Jake, ngunit sa kasamaang palad, bumigay na ang katawan nito. Laking pagsisisi naman ni Eloisa dahil hindi nya mas napagtuunan ng pansin ang kanyang baby.
Nagpaalala rin ang Meralco na maging mapagmatyag ang mga magulang upang maiwasan ang ganitong klaseng aksidente.
Hangga’t maari, wag nang gumamit ng mga extension cord, at siguraduhing hindi abot ng mga bata ang mga saksakan sa bahay.
“Maaari talagang maaksidente ‘pag ‘yan ay kinalikot or kapag may object na bakal na in-insert o kaya iyong daliri, inilagay mismo sa opening ng outlet. Kung hindi naman po kailangan ng extension huwag na po tayo gagamit po niyan sapagkat hindi rin po ganoon ka-safe,” ayon kay Joe Zaldarriaga, spokesperson ng Meralco.
Read also: Artistahing Kapatid ni Alden Richards na si Riza, Bakit nga ba Hindi Sumali sa Showbiz?
Ano ang masasabi mo sa kwentong ito? I-share lamang ang inyong opinyon o parehong karanasan sa comments section below. Para sa iba pang viral na kwento o balita, wag mag atubiling mag follow sa aming Facebook page.
0 comments:
Post a Comment