Sa panahon natin ngayon, bibihira ka nang makatagpo ng isang taong tapat. Dahil sa hirap ng buhay, napipilitan ang maraming tao na kumapit sa patalim o manlamang ng kapwa para lamang mabuhay. Ngunit sa kabila ng lahat, mayroon pa ring mangilan-ngilan na nananatiling tapat sa kanilang kapwa. Isa na sa kanila ay ang matandang lalaking ito, na nag-trending ngayon sa social medial.
Kung gipit ka at nakapulot ka ng pera, ibabalik mo pa ba ito sa may-ari? Malamang ay magdadalawang isip ka dahil na rin sa pangangailangan mo.
Ngunit kahit pa gipit ang kalagayan ng lalaking ito, nagawa pa rin niyang maging tapat. Hindi siya nagdalawang isip na ibalik ang wallet na napulot niya.
Nakahinga ng maluwag ang netizen na si Clara Magbanua matapos isauli sa kanya ang nawawala niyang pitaka. Ayon kay Clara, nahulog niya ito sa daan habang bumibisita sa kanilang kamag-anak sa Puerto Princesa.
Hindi niya na inaasahang makikita itong muli, ngunit laking gulat niya na lamang nang may tumawag sa kanyang cellphone!
Isang matandang residente na nagngangalang Rome Punla ang nakapulot ng kanyang pitaka. Laman nito ang lahat ng ATM card ni Clara, kasama rin ang mga PIN code at company ID niya.
Ginamit ni Tatay Rome ang contact number niya sa ID upang macontact si Clara at ipaalam sa kanya na napulot nito ang wallet niya.
Nalaman din ni Clara na nasa ospital ang asawa ni Tatay Rome. Ngunit kahit pa nangangailangan ito, tumanggi ito sa pabuya na iniaalok ni Clara. Ayon sa kanya, sapat na ang makatulong siya sa kanyang kapwa.
“You called gamit ang number na nakita mo sa ID ko. You even refuse the money na gusto kong ibigay bilang pasasalamat man lang sana sa pagbalik sa wallet ko. Tay, sana lahat ng tao tulad niyo. Thank you so much. You are a true hero! May god bless you always.”
Laking pasasalamat ni Clara dahil sa mabuting kamay napunta ang kanyang wallet. Maraming netizens rin ang sumaludo sa ginawa ni Tatay Rome! Isa siyang patunay na kahit sa gitna ng kagipitan, may mga taong tapat ka pa ring makakapitan.
Anong masasabi niyo sa kwentong ito? I-share lamang ang inyong opinyon o parehong karanasan sa comments section sa baba. Para sa iba pang kwento, wag mag-atubiling mag-like o follow sa aming Facebook page.
0 comments:
Post a Comment