Ang kasal ay isa sa mga pinaka-espesyal na araw sa buhay ng mag-irog. Karamihan sa atin ay nangangarap na magkaroon ng bonggang kasal. Kaya naman hindi na nakakapagtaka kung bakit maraming tao ang gumagastos ng malaking pera para lamang sa espesyal na araw na ito. Ngunit sa panahon ngayon, alam mo bang maaari ka ng magkaroon ng magandang kasal nang hindi gumagastos ng malaki?
Hindi mo kailangang gumastos ng malaki o mangutang para lamang magkaroon ng bonggang kasal. Dahil nasa kalagitnaan tayo ng pandemic, makakatipid ka rin dahil hindi mo na kailangang mag-imbita ng maraming bisita. Ito ang pinatunayan ng mag-asawang overseas Filipino workers sa Dubai.
Read Also: Celebrity Friends na Nasira ang Pagkakaibigan Dahil sa Isyu at Kontrobersya
Usap-usapan ngayon sa social media ang nakakakilig na home wedding ni Camille Alicando at Ben Gendrano. Si Camille ay isang Dubai-based stylist, samantalang digital content creator naman si Ben.
Matagal na nilang pinagpa-planuhan ang kanilang kasal. Noong una, nag-book pa ang dalawa sa isang sosyal na hotel Dahil sa safety protocols na ipinapatupad sa Dubai, napilitan si Camille at Ben na ikansela muna ang kanilang hotel reservation.
Sa kabila nito, wala pa ring makakapigil sa kasalan ng dalawa! Upang mas safe, idinaos na lang nila ang kanilang wedding sa loob mismo ng kanilang tahanan.
Isang civil wedding ceremony ang ginanap sa pag-iisang dibdib ng mag-asawa. Ngunit talagang napakaganda ng kanilang venue!
Kahit pa sa bahay lamang sila, tumulong ang mga kaibigan ng mag-asawa upang pagandahin ang lugar. Bohemian-chic inspired ang kanilang venue, na mayroon pang mga fairy lights!
Ayon sa bride, ipinagkatiwala na nila sa kanilang mga kaibigan ang pagdidisenyo. Kaya naman natuwa talaga sila sa kinalabasan nito. Maraming netizens rin ang talagang natuwa sa simpleng kasalan ng dalawa.
Read More: Batang Genius, Napilitang Magbenta ng Medalya Niya Upang May Maipangtawid Gutom Ngayong Pandemic
Ano ang masasabi nyo sa kwentong ito? Ibahagi lamang ang inyong komento o parehong karanasan sa comments section sa ibaba. Para sa iba pang viral na kwento o latest na balita, wag mag atubiling mag like o mag follow sa aming Facebook page.
0 comments:
Post a Comment