Karamihan sa mga motorista ay umiiwas na masita sa mga checkpoints. Talagang malaking abala nga naman kung mayroong kang violation, dahil bukod sa mabibigyan ka ng tiket ay maaari ka pang pagmultahin. Dahil dito, maraming motorista ang gustong umiwas sa checkpoint kung maaari. Ngunit alam niyo ba na maari ka rin palang makahanap ng pag ibig dito?
Ito ang napakaromantic na love story ni Clarrise Lazaro at ng asawa niya! Maraming netizens ang talagang naaliw at kinilig matapos ibahagi ni Clarrise ang kanyang kakaibang love story sa social media. Nai-feature sa Facebook page na “Buhay Lespu” ang kwento ni Clarrise, na isang guro, at ng asawa niya na isang pulis!
Read More: Isang Guro sa Bulacan, Napagkakamalang Estudyante Dahil sa Kanyang Nakakamanghang Baby Face!
Sino nga bang mag-aakala na maaari mo palang makilala ang iyong forever sa isang checkpoint? Ayon kay Clarisse, napadaan lamang siya habang nakamotor sa isang “Oplan Sita.”
Noong una ay nairita pa daw si Clarrise dahil noong mga panahong iyon ay nagmamadali siya at mayroon siyang importanteng pupuntahan. Nang huminto siya sa checkpoint, hindi raw masyadong nabigyan ni Clarrise ng atensyon ang pulis na sumita sa kanya.
Ngunit noong mga panahong iyon, hindi niya inaasahan na tinitignan na pala siya nito. Bigla na lamang nabighani ang pulis matapos masilayan ang babaeng nakamotor na nahuli niya sa checkpoint.
Ang pulis na naka-duty ay walang iba kundi si Moh Amir Cruz Saddaramil. Matapos makita sa checkpoint ang dalaga, agad agad gumawa ang pulis ng paraan upang makausap ito. Gamit ang social media, hinanap ni Amir ang babae hanggang sa matagpuan niya ang profile ni Clarrise. Dito na nag-umpisa ang pag-iibigan nila.
Hindi nagtagal ay nauwi sa romantic na relasyon ang kanilang pagcha-chat sa social media. At isang taon ang nakalipas, nauwi rin sa kasalan ang kanilang relasyon! Talaga namang maraming netizens ang kinilig sa kanilang kakaibang kwento. Sino nga ba ang mag-aakalang maaari mo palang makilala ang iyong soulmate sa checkpoint?
Read More: Dream House ni Sarah at Matteo, Uumpisahan na! Silipin ang Napakagandang Location Dito
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita o viral na kwento, wag mag atubiling mag follow o mag like sa aming Facebook page.
0 comments:
Post a Comment