Isang guro sa Bulacan ang nag-viral sa social media dahil sa kakaibang itsura nito! Talaga namang mapagkakamalan mong estudyante si Teacher Ian Francis Manga, na isang guro sa San Jose Del Monte, Bulacan. Kindergarten ang tinuturuan ni Teacher Ian, ngunit dahil sa kanyang baby face, ilang beses na rin siyang napagkamalan na mag-aaral.
Ayon kay Teacher Ian, bata pa lamang siya ay hindi na niya naranasan ang common signs ng puberty. Labis rin daw ang pagtataka niya, lalo pa’t ang mga kababata niya ay nagma-mature na ang itsura. “Pati ‘yong look ko din wala eh. Pati buhok ko wala eh — wala sa kilikili, wala sa bigote,” dagdag pa nito.
Read More: Hindi Inakala ng Babaeng Ito na Napapaligiran na Pala Siya ng Killer Whales sa Dagat!
Sa kabila ng kanyang kakaibang karanasan, nag-desisyon si Ian na wag nang kumonsulta sa doktor upang malaman ang totoong kondisyon niya.
Ngunit kahit pa kakaiba ang kanyang itsura, aminado naman si Ian na kahit kailan ay hindi siya nakaranas ng discrimination o pambu-bully mula sa kanyang mga kaibigan.
Nakatulong rin daw sa kanya ang pagiging friendly at mabait niya sa lahat ng tao, kaya naman mas lalong dumami ang kaibigan niya.
“Hindi po ako na-bully kasi I was friendly. Pala-kaibigan po ako sa kaklase ko. Minsan nabu-bully rin mga hindi ko naman kakilala, kakantahan ka ng mga bulilit. Eh wag mong pansinin,” ayon kay Ian.
Bente dos anyos na siya nang pumasa sa licensure exam para sa mga guro. Proud naman si Ian sa kanyang achievement, at excited na rin itong simulan ang kanyang career sa pagtuturo.
Kahit pa madalas ay napagkakamalan siya bilang estudyante, mayroon raw teknik si Teacher Ian upang seryosohin siya ng kanyang mga mag-aaral.
“Nagiging seryoso na ako, nagiging seryoso din sila sa akin. Hati ‘yong pagiging strikto sa pagiging teacher. Teacher po ako. Hindi po kailangang always play, kailangan may seryosohan din.” Sa kasalukuyan ay nagtuturo si Teacher Ian sa Mater El-Roi School Inc. at ayon sa school admin na si Herminia Delos Santos, talagang napakahusay na guro nito.
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita o viral na kwento, wag mag atubiling mag follow o mag like sa aming Facebook page.
0 comments:
Post a Comment