Anong nais mo sa iyong nalalapit na kaarawan? Karamihan sa atin ay naghahangad ng bagong gadget, o di kaya naman ay pera sa ating birthday. Ngunit madalas, may mga bagay na hindi kayang palitan ng pera o magarang regalo. Ito ang mahalagang aral na natutunan ng mga netizens kamakailan lang matapos isang bata ang mag-trending dahil sa kanyang birthday cake.
Sa isang video na ibinahagi sa Tiktok, makikita ang isang dalagita na nagse-celebrate ng kanyang birthday. Talaga namang sosyal ang kanilang handaan, at hindi lang isa kundi dalawa pa ang cake nito! Ang isang three-tier cake ay mayroong laman na pera, ngunit habang hinuhugot ng bata ang pera, mababakas sa mukha nito sa dismayado siya.
Maraming netizens ang agad na nagkomento at hinusgahan ang bata. Ayon pa sa iba, base sa reaksyon nito sa viral video, mukhang ungrateful at spoiled ang batang babae. Ngunit agad namang napatunayan na mali pala ang kanilang iniisip. Isang netizen na nakakakilala sa bata ang nagpaliwanag kung bakit ganito ang reaksyon niya.
Ayon sa netizen na ito, dismayado ang batang makatanggap ng pera sa birthday niya dahil ang nais niya lang ay makasama ang kanyang mga magulang. Kapwa OFW ang kanyang magulang, ngunit dahil sa pandemic, hindi sila makauwi kaya naman nagpadala na lang sila ng brand new cellphone at pera sa kanilang anak.
“Actually, both parents of the girl is nasa abroad and they promised na uuwi sa birthday niya. Pero gawa ng pandemic di nakauwi magulang niya, so nag-isip na lang yung magulang ng magandang pambawi sa anak nila,” pahayag ng nakakakilala sa bata.
Ngunit sa kabila ng magara at sosyal na regalo na natanggap nito, hindi pa rin masaya ang birthday celebrant. Wala raw itong ibang nais kundi ang makita at makasama lamang ang kanyang mga magulang sa espesyal na araw na ito. Ito rin ang dahilan kung bakit malungkot siya habang binubuksan ang money cake.
“Wag niyo i judge agad na kesyo ma attitude o dapat magpasalamat na lang. Actually thankful sya sa mga natanggap niya, dismayado lang talaga siya dahil di natuloy uwi ng parents niya. Kung alam niyo lang, nagkulong po yan sa kwarto at nag iiyak after ng party niya,” dagdag pa nito.
Read Also: Jamill, Nag-Public Apology sa Harap Mismo ni Tulfo Matapos Ireklamo ng Inindyan Nilang Stylist!
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like o mag follow sa aming Facebook page.
0 comments:
Post a Comment