Sa kalagitnaan ng pandemic, nauso ang mga community pantries sa iba’t-ibang lugar sa Pilipinas. Sa tulong ng community pantry, maaaring magkaroon ng pagkain o basic necessities ang mga taong nangangailangan sa gitna ng pandemic. Umaasa ito mula sa donasyon ng mga good Samaritan, at talaga namang malaki ang naitutulong nito sa pang-araw araw na pamumuhay ng mga tao.
Hindi maipagkakailang maraming pamilya na rin ang natulungan ng mga community pantries. Karamihan sa kanila ay mga naghihikahos o nawalan ng kabuhayan.
Sa pamamagitan ng community pantry, maaari silang makatanggap ng bigas, de lata, noodles, gulay, prutas, at iba pa nang walang hinihinging kapalit o bayad.
Read More: “Hindi kami nagnakaw”- Mga Babaeng Na-Bash Matapos Manlimas ng Isang Community Pantry, Nagsalita na!
Kabilang na sa mga nakinabang sa community pantry ay ang matandang lalaking ito. Kamakailan lang, nag-viral sa Facebook ang nakakaantig na kwento ni tatay.
Ibinahagi ng Facebook page na “For Our Farmers- Bayanihan Para sa Magsasaka” na mayroong isang matandang lalaki ang lumapit at nag-usisa sa kanilang community pantry.
Bago ito kumuha ng mga pagkain, tatlong beses muna nag-usisa si Tatay kung totoong libre lamang ba ang mga ito. Napansin rin nila na tinaling panyo lamang ang nagsisilbing face mask nito. Hindi naman nagdalawang isip ang grupo na tulungan si Tatay.
“Tatlong beses kaming tinanong ni tatay kung walang bayad at libre ba daw talaga kumuha ng pagkain. Napansin din namin na panyo lamang ang gamit niyang face mask. Binigyan namin siya ng ilang pirasong surgical mask at tinanong namin kung saan banda siya nakatira upang mabigyan namin siya bukas ng cloth mask at face shield.”
Sa ngayon ay umabot na sa mahigit 3.3k shares ang post na ito sa social media. Talagang maraming netizens rin ang humanga sa kabutihang loob ng grupong ito. Pinapatunayan lamang nila na sa kalagitnaan ng pagsubok, tayo lang rin ang mag-aangat sa ating kapwa.
Read More: Wais na Nanay, Nag-Viral Matapos Pagtripan ang Anak na Laging Nagse-Cellphone!
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita o viral na kwento, wag mag atubiling mag like o mag follow sa aming Facebook page.
0 comments:
Post a Comment