Isang kakaibang kwento ang ibinahagi sa programang “Kapuso Mo, Jessica Soho” noong nakaraang linggo. Tampok ang kwento ng dalagitang si Charina. Mabigat ang pinagdaraanan ni Charina dahil sa kanyang kakaibang kondisyon. Kaya naman mula pagkabata, napansin ni Charina na lagi na lamang siyang nilalayuan ng mga taon.
Bata pa lamang si Charina ay naaksidente ito. Magmula noon, napansin na rin niya na may kakaibang nangyayari sa kalahating bahagi ng kanyang mukha.
Nahihirapan na siyang igalaw ito, hanggang sa unti-unti na itong lumiit. Maging ang pandinig at pagkain niya ay apekto dahil sa kondisyon niya.
Read More: Haba ng Hair! China Roces, Kinilig sa Bagong Surprise sa Kanya ni Mr. Anonymous
“Mahina din pandinig ko. Hirap po ako kumain. Nasasaktan din ako dahil ganito ako tapos ang ibang mga kapatid ko- naiingit ako dahil sila, nagugustuhan sila agad, ako hindi. Yumuyuko rin ako minsan. Tumatahimik na lang ako para hindi na lumaki. Nu’ng bata pa ako, tinatakpan ko ang aking mukha kapag umaalis kami.”
Ayon kay Charina, naranasan na niyang mabully dahil sa kanyang kaanyuan. At tuwing nakikipag-meet up siya sa mga ka-chat niya online, bigla na lamang siyang iniiwasan ng mga ito. Dahil dito, hindi mapigilang maapektuhan ang confidence niya sa kanyang sarili.
Base sa diagnosis ng mga doktor na tumingin sa kanya, walang kinalaman ang aksidente ni Charina sa kanyang kondisyon.
Napag-alamang mayroon siyang progressive hemifacial atrophy, o mas kilala sa tawag na Rosberg disease. Hindi ito nakakamatay, ngunit unti-unting kinakain nito ang tissue sa kanang bahagi ng mukha ni Charina.
Maaari rin daw itong maisaayos ng reconstructive surgery, ngunit tinatayang aabot sa P500,000 hanggang P1,000,000 ang aabutin ng operasyon.
Sa kabila ng lahat, hindi naman nawawalan ng pag-asa si Charina. Ayon sa dalaga, marami pa siyang pangarap para sa kanyang pamilya kaya naman magpupursigi siya, “Marami akong pangarap na makapagtrabaho ako para sa aking pamilya. Gusto ko magtrabaho sa abroad, maging nars.”
Read More: Mga Batang Musmos sa Kalye, Walang Pambili ng Pagkain Ngunit May Pang-Yosi!
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita o viral na kwento, wag mag atubiling mag like o mag follow sa aming Facebook page.
0 comments:
Post a Comment