Akala natin ay sa pelikula at teleserye lamang nangyayari ang mga sanggol na ipinagpapalit. Ito rin ang kwento ng sikat na Pinoy teleserye na ‘Mara Clara,’ kung saan sinadyang ipagpalit ang dalawang sanggol sa ospital at lumaki sa magkaibang magulang. Ngunit alam niyo bang nangyayari rin pala ito sa totoong buhay?
Kamakailan lang, naging usap-usapan ang mala-teleseryeng buhay ng dalawang babaeng ito matapos mapagpalit sa ospital.
Ayon sa ulat ng Reuters, halos dalawang dekada na ang nakalipas ng mapagpalit ang dalawang sanggol na ito mula sa Rioja, Spain, at ngayon lamang nabunyag ang katotohanan.
Read More: “Hindi Lahat ng Totoo ay Kailangang Aminin”- Julia, Ipinaliwanag ang Linya Niya sa Teleserye
Isang 19-anyos na babae ang nagsumita ng reklamo laban sa regional health department. Ayon dito, nais niyang magbayad ng mahigit 3 million euros, o P177 million ang health department ng La Rioja para sa perwisyong naidulot nito matapos siyang maipagpalit sa ibang sanggol 19 na taon na ang nakalilipas.
Ayon naman sa internal investigation ng health department, aminado silang nagkaroon nga ng birth switching. Ngunit isa lamang daw itong “one-off human error.” Handa rin daw silang harapin at sundin ang judicial proceedings kaugnay ng reklamo na inihain ng babae laban sa kanila.
Ang complainant ay isinilang sa San Millan de Logrono Hospital noong 2002, at limang oras matapos nito ay isinilang rin ang isa pang babaeng sanggol. Pareho rin silang inilagay sa incubator room, at dahil dito ay napagpalit ang dalawa nang ibigay sila sa kani-kanilang mga pamilya.
Sa kasamaang palad, ang complainant ay lumaki sa isang ‘dysfunctional’ family, kaya naman lola niya ang nagpalaki sa kanya.
Nalaman na lamang niya ang katotohanan matapos silang magkaroon ng paternity test dahil sa isyu ng child support ng kanyang ama. Dito na napagtanto na hindi niya kadugo ang dalawa.
Read Also: Netizen, Binatikos si Sharon Cuneta Dahil sa Pagtrato Nito sa Kasambahay Niya sa Publiko!
Ano ang masasabi niyo sa kwentong ito? Ibahagi lamang ang inyong opinyon at parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.
0 comments:
Post a Comment