Isang malaking plot twist na naman ang nangyari sa tambalan ni Toni Fowler at Rob Moya. Nitong nakaraang buwan lamang ay inakala ng mga netizens na magkakaayos na ang dalawang social media influencers, na dating magka-live in partner. Ngunit nawindang ang mga fans matapos ipakilala ni Rob Moya sa publiko ang bago niyang girlfriend.
Ang mas nakakagulat pa, kahit ilang buwan pa lamang silang magkasintahan ay napagdesisyunan na ni Rob na mag-propose sa kanyang bagong girlfriend na si Jennifer del Rosario.
Kamakailan lang, ibinahagi ni Rob Moya ang video ng kanyang proposal kay Jennifer, na si Toni mismo ang nagplano at gumastos.
Read More: Netizens, Na-Curious sa Bagong ‘Mystery Woman’ na Kasama ni King Badger sa Picture!
Ayon kay Toni, masakit man ay nais niyang patunayan na kahit pa nasa piling na ng ibang babae si Rob ay nananatili pa rin ang pagmamahal niya dito. Kaya naman sa proposal ni Rob ay isinama rin ni Toni ang anak niyang si Tyronia, na kinilala na ring ama si Rob sa loob ng ilang taon nilang pagsasama.
Ngunit mukhang hindi lahat ng netizens ay kinilig sa proposal na ito. Nakamit man ni Rob ang matamis na oo ni Jennifer, umani naman siya ng batikos sa social media.
Ayon sa mga fans, hindi na dapat pa idinamay ni Toni at Rob si Tyronia sa proposal na ito dahil bakas sa mukha ng bata na nalilito na ito sa mga pangyayari.
Dagdag pa nila, hindi rin madali para kay Tyronia ang ma-expose sa drama ng kanyang ina at ng ex-boyfriend nito. Hiling nila ay iiwas na lang sa mga vlogs at pakulo si Tyronia upang hindi rin masaktan ang bata. Silipin ang komento ng mga netizens dito:
“Ang awkward para kay Toni! Na-hurt rin ako for Tyronia, sana hindi na pina-witness sa bata mga ganyang klaseng event.”
“Mukhang tanga lang. Gagawa kayo ng kalokohan idadamay niyo pa bata eh anong alam niyan.”
“Too insensitive! Kawawa lang yung bata dahil dinamay pa nila para lang mapag-usapan ng tao.”
“For Tyronia I think red flag ito, I don’t think kaya ng isang bata i-absorb yung mga ganitong bagay. Nakaka-trauma ang kita sa mukha ni Tyronia na nalilito siya sa ginagawa nila.”
Read Also: “Kami Bahala Sayo”- Neri Miranda, Sinagot ang Reception ng Bagong Kasal na Na-Scam!
Panoorina ng buong proposal dito:
Ano ang masasabi mo sa kwentong ito? Ibahagi lamang ang inyong opinyon at parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.
0 comments:
Post a Comment