Kabilang si Miss Universe Philippines Rabiya Mateo sa mga nag-trending na personalities noong 2020. Hindi man niya nasungkit ang korona, tumatak naman si Rabiya sa puso ng mga fans dahil sa kanyang dedikasyon at tiyaga. Ngunit nasangkot rin siya sa kontrobersya matapos silang maghiwalay ng kanyang boyfriend na si Neil Salvacion.
Bago pa man sumabak si Rabiya sa Miss Universe ay nangako pa ito sa boyfriend na hindi sila maghihiwalay.
Ngunit hindi rin napigilan ang kanilang break-up. Sa kabila ng lahat, unti-unti na ring naka-move on si Neil. Sa katunayan, kamakailan lang ay nagawa pa nitong mag audition para sa “Pinoy Big Brother.”
Sa kanyang audition video para sa Season 10, ipinakilala ni Neil ang sarili niya bilang 27-anyos na frontliner sa Iloilo.
Nakasuot pa siya ng hospital uniform at ipinamalas ang galing niya sa pagsayaw. Ibinahagi rin ni Neil ang kwento ng kanyang buhay bilang isang frontliner.
Hindi rin maiwasan na mag-komento si Neil tungkol sa kanyang love life. Ayon dito, labis siyang nasaktan matapos siyang iwan ng taong mahal niya. Hindi man niya nabanggit ang pangalan ni Rabiya, malinaw sa mga fans na ang beauty queen ang tinutukoy ni Neil sa kanyang pahayag.
“Mas nakakalungkot pala na maiwan ka ng taong minamahal mo dahil sa pangarap nitong korona. Ang coronavirus at korona sa patimpalak ay ilan lamang sa mga hamon sa aking buhay. It’s about time to share my story, how I coonquered them, and how I will inspire other people,” dagdag pa ni Neil.
Sa kabilang banda, maraming netizens naman ang excited sa audition piece na ito ni Neil. Kung sakali mang magiging mapalad siyang makasali sa PBB, paniguradong aabangan rin ng mga fans ang kanyang kwento.
Read More: Chiz, Diretsahang Sinagot Kung Payag ba Siyang Makatrabaho ni Heart ang Ex Nitong si Jericho Rosales
Ano ang masasabi mo sa kwentong ito? Ibahagi lamang ang inyong opinyon at parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.
0 comments:
Post a Comment