Kamakailan lang ay nag-viral sa social media ang isang contestant na sumali sa Reina ng Tahanan segment sa “It’s Showtime.” Naimbyerna ang mga netizens kay Marilyn Lagsa, na di umano’y iniwan ang mga anak niya sa kanyang magulang at hindi nagsuporta sa loob ng sampung taon. Isa sa mga nainis sa kanya ay ang judge na si Ruffa Gutierrez.
Sampung taon ring iniwan ni Marilyn ang mga anak niya sa kanyang senior citizen na ama at ina. Bilang isang nanay, hindi naman maisip ni Ruffa kung paano nakayanan ng contestant na gawin ito sa kanyang mga anak. Ayon pa sa aktres at host, na ‘high blood’ siya dahil sa inis niya kay Marilyn.
Read Also: Kris Aquino, May Prangkang Bwelta sa Netizen na Nagsabi sa Kanya ng “Eat More”
“Alam mo Marilyn, habang pinapakinggan kita, naha-high blood ako. Iniwan mo lang yung mga anak mo sa nanay mo for 10 years tapos di mo susustentuhan? Alam kong mahadera ka sumagot kila Vice kanina, pero na-high blood ako dahil maawa ka naman sa nanay mo. Nakita mo naman itsura niya,” pahayag ni Ruffa.
Ayon naman kay Marilyn, hindi niya nagustuhan ang pagpapahiyang ginawa sa kanya ng judge. Pakiramdam niya rin daw ay ‘nilaglag’ ang buong pagkatao niya sa national television. Kaya naman matapos ang programa ay nagpasaring si Marilyn sa social media upang ipahayag ang damdamin niya.
Hindi man niya direktang pinangalanan si Rufa Gutierrez, malinaw na ang aktres ang tinutukoy ni Marilyn. Sa kanyang pahayag, ibinahagi ng contestant ang kanyang disappointment dahil sa sermon sa kanya ni Ruffa. Matatandaang lantaran ring ipinahayag ng aktres ang pagkainis niya kay Marilyn matapos nitong abandonahin ang mga anak niya.
“May isang judge na hindi rin po marunong umintindi. Pinahiya rin po ako. Sana noong time rin po na yun, naisip din niya na naka-live din kami. Hindi rin ho marunong mag-isip yung judge na yun. Sa halagang limang libo na hindi ko pa narereceive, sa halagang ganun lang, nilaglag yung pagkatao ko,” dagdag pa nito.
Read More: Mark Herras, Lalong Naging Lapitin ng mga Bading Dahil sa Isyu ng Pangungutang
Ano ang masasabi mo sa kwentong ito? Ibahagi lamang ang inyong opinyon at parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.
0 comments:
Post a Comment