Muli na namang naging usap-usapan sa social media ang influencer na si Christian Albert Gaza, o mas kilala bilang Xian Gaza. Kilala si Xian sa kanyang mga grand gestures pagdating sa panliligaw. Matatandaang nag-viral siya dati matapos magpatayo ng billboard sign para ayain sa coffee date ang aktres na si Erich Gonzales.
January 2020 nang muli siyang gumawa ng ingay matapos maghanda ng libo-libong bulaklak sa sports car para kay Nadine Lustre. Ngunit kahit pa hindi naman napagbigyan ang hiling niya, mukhang hindi basta-basta sumusuko si Xian! Nitong nakaraan lamang, international K-Pop star na ang tinangkang ligawan nito.
Read More: Fans, Kinilabutan sa Labis na Pagkakahawig ng Pumanaw na Actor na si Rico Yan sa Pamangkin Nito!
Viral sa Facebook ang billboard ni Xian Gaza sa Seoul, South Korea para kay Jennie Kim na miyembro ng K-Pop group na Blackpink. Ayon sa billboard na may halagang P1.5 million, nais niyang imbitahin si Jennie para sa isang romantic dinner. Ngunit hindi naman sumagot ang kampo ng K-pop star.
“Kahit papaano eh masulit at makabawi-bawi daw sa 1.5 million pesos na aking ginastos. Hindi ako pumayag dahil mawawala kako yung sincerity ng aking dinner date proposal for Jennie. Sabi ko sa kanya eh mas pipiliin kong lumigaya kaysa kumita ng pera. Genuine happiness over money. Tutal kako yung 1.5m ay kaya ko namang kitain sa loob ng sampung araw,” pahayag ni Xian.
Sa kabilang banda, maraming netizens naman ang nag-react sa publicity stunt na ito. Ayon sa kanila, ginagamit lang ni Xian ang pangalan ni Jennie Kim upang ma-boost ang kanyang popularity. May mangilan-ngilan ring nagsabi na hindi romantic, kundi ‘creepy’ ang ginawang ito ni Xian.
“This is no sweet fan adoration, this is straight up creepy! Also convicted person? I want him nowhere close to the girls, especially Jennie. YG Official you better do something, this creep got money so he can possibly do something worse! Leave Jennie alone,” pahayag ng isang fans sa Twitter.
Read Also: Lolit Solis, Umalma sa mga Nagsasabing Mahina Siya Dahil Di Natunugan ang Pagbubuntis ni Elisse!
Ano ang masasabi niyo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.
0 comments:
Post a Comment