Pagdating sa gamit sa bahay, nararapat lamang na maging mapanuri tayo. Dapat ay matibay ang ating mga kagamitan upang makasigurado tayong magagamit natin ito sa mahabang panahon. Ngunit bukod sa pagiging matibay at maayos, kailangan rin nating isaalang alang ang ating kaligtasan lalo na pagdating sa mga gamit sa kusina.
Karamihan sa atin ay gumagamit ng gas stove dahil di hamak na mas tipid ito kumpara sa de-kuryenteng kalan. Ngunit alam niyo ba na may panganib na dala rin pala ang mga gas stove? Lalo na kung ito ay gawa sa salamin, maaaring maranasan niyo rin ang nakakatakot na karanasan ng netizen na ito.
Read More: Bea Alonzo, May Emosyonal na Mensahe kay John Lloyd sa Paglipat Nito sa GMA 7
Sa Facebook ay ibinahagi ni Mutya Javier ang nakakabahala niyang experience sa paggamit ng gas stove. Ayon kay Javier, pinili nila ang gas stove na mayroong glass upang mas madaling linisin ito. Ngunit hindi nila inaasahan na maaari pala itong sumabog pag nainitan ng sobra.
“Kanina habang nagiinit ng tubig si nanay bigla na lang pumutok ang kalan reason kung bakit nagkabasag basag ang glass top ng kalan. Mabuti na lang wala si nanay sa harap ng kalan. Thank God! Hindi namin alam kung bakit nagkaganon. Hindi naman daw umapoy ng malaki yung kalan, basta may narinig kami pumutok tapos yan na yung nakita namin.”
Dagdag pa niya, mabuti na lamang at walang nasaktan sa kanilang mag-anak. Mahigit apat na taon na daw nilang gamit ang gas stove na ito, at ngayon lang sila nakaranas ng ganitong klaseng pagsabog. Nagbabala rin si Javier sa mga netizens na may ganitong klaseng kalan.
“Hindi kaya masyado na gamit na gamit yung kalan? Lalo na kahapon maghapon naka-on dahil sa dami ng niluto? I’m not sure pero 4 years na rin kse namin gamit to, ngayon lang namin naexpexience to. Nakakatakot! Hindi rin pala safe to. I’m posting this for your info na ganitong klase ang gamit na stove. Ingat ingat po… Be safe everyone!”
Sa kabilang banda, maraming netizens rin ang napa-comment at nacurious kung anong brand ng gas stove ang sumabog. Sa ngayon ay hindi pa naglalabas ng statement ang nasabing kompanya.
Read More: Kilalanin ang Non-Showbiz Girlfriend na Nagpapatibok ng Puso Ngayon ni Zaijan Jaranilla
Ano ang masasabi niyo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.
0 comments:
Post a Comment