Para sa isang mag-aaral, wala na sigurong mas exciting pa sa araw ng kanyang pagtatapos. Sa espesyal na araw na ito ay makakamit na niya ang bunga ng ilang taon niyang pagsisikap. Kaya naman karamihan ay pinaghahandaan talaga ang kanilang graduation day. Ngunit dahil sa di inaasahang pangyayari ay hindi naka-attend ng sarili niyang graduation party ang estudyanteng ito.
Kamakailan lang ay ibinahagi ng GMA News ang nakakaantig na kwento ni Hemenz Luzada, isang 25-anyos na dapat ay magtatapos na ng kanyang pag-aaral noong June 26.
Ayon sa kanyang pamilya, excited na si Luzada na magtapos sa kanyang kursong business administration, ngunit isang trahedya ang pipigil sa mga plano niya.
Read More: Coleen Garcia, Binalaan ang mga Netizens sa Contractor na Nang-Scam sa Kanila ni Billy!
Isang araw bago ang kanyang graduation day ay nagkaroon ng cardiac arrest si Luzada, na naging sanhi ng maagang pagpanaw nito.
Labis na nasaktan ang mga mahal niya sa buhay, lalo pa’t pangarap ni Luzada na maka-attend sa kanyang graduation ceremony. Ngunit kahit pa pumanaw na siya ay itinuloy pa rin ng kanyang pamilya ang hiling niya.
Naghanda sila ng espesyal na graduation ceremony na talagang nagpa-antig sa puso ng mga netizens sa social media. Sa isang video, makikitang tumugtog ang graduation march habang nagmartsa ang mga magulang niya at suot suot ang togang sana’y susuotin ni Luzada. Mayroon din silang family picture sa tapat ng kanyang kabaong.
Ayon sa girlfriend ni Luzada na si Vanesa Encila, masipag at determinado ito. Noon pa man daw ay pangarap na nitong makapagtapos ng pag-aaral, kaya naman nag-working student ito sa isang fastfood chain para lamang matustusan ang kanyang mga pangangailangan.
Labis rin daw silang nabigla sa pagpanaw nito, lalo pa’t malusog at malakas ito at wala rin daw bisyo. “He didn’t have any vices, he didn’t smoke, it hurts so much,” pahayag nito.
Read Also: Andi Eigenmann, Balik Alindog na Matapos i-Bodyshame ng Ex-Boyfriend na si Albie Casino
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang altest na balita at viral na kwento, wag mag atubiling mag like at mag follow sa aming Facebook page.
0 comments:
Post a Comment