Kung ikaw ay manganganak, wala na sigurong mas ligtas na lugar pa kaysa sa ospital. Narito na lahat ng iyong kailangan, kabilang na ang magagaling na doktor at mga gamot na kakailanganin mo. Ngunit may mga pagkakataon ring hindi na umaabot pa sa ospital ang panganganak. Kagaya na lamang ng nangyari sa isang babaeng ito.
Naantala ang isang flight papuntang Honolulu, Hawaii matapos manganak ang pasaherong babaeng ito! Sa kalagitnaan ng flight, nagulat na lamang ang babae dahil biglang sumakit ang kanyang tyan. Hindi niya akalain na manganganak pala siya, dahil ayon sa pasahero ay wala siyang kaideya-ideya na buntis pala siya!
Read More: Caught on Cam: Sachzna Laparan, Isiniwalat ang Mayabang Pulis na Nagwala sa Isang Restaurant!
Kinilala ang babae bilang si Lavinia Mounga mula sa Salt Lake City, Utah. Maswerte si Lavinia at ang kanyang asawa dahil may kasabay silang magaling na doktor at tatlong nurse sa flight na papuntang Hawaii. Sila rin ang tumulong kay Lavinia upang ligtas na maisilang ang kanyang baby.
Ayon sa news release ng Hawaii Pacific Health, hindi alam ni Lavinia na nagdadalang tao pala siya. Nang manganak siya ay tinatayang nasa 29 weeks pa lamang ang sanggol sa kanyang sinapupunan.
Sa kabilang banda, kinilala rin ang doktor na si Dr. Dale Glenn na tumulong sa pasahero. Katuwang niya rin ang tatlong nurses na sina Lani Bamfield, Amanda Beeding, at Mimi Ho.
Dahil kulang sa kagamitan ang eroplano para sa mga premature babies, ginamit ng doctor at mga nurses ang shoelaces para putulin ang umbilical cord ng sanggol at gumamit rin sila ng microwaved bottles para magbigay ng init sa bagong silang na bata. Isang relo rin ang ginamit nila upang ma-measure ang heart rate ng sanggol.
Sa kabila ng kakulangan sa gamit ay ligtas namang na-ideliver ang sanggol. Agad rin silang dumiretso sa ospital matapos lumapag ang eroplano. Naging stable naman ang lagay ng mag-ina sa loob ng tatlong oras hanggang sa dumating sila sa airport.
Read More: OFW na Nagpapakahirap sa Dalawang Trabaho, Niloloko Lang Pala ng Gold Digger na Girlfriend sa Pinas!
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.
0 comments:
Post a Comment