Kumpirmado na nga na mayroong namamagitan kay Aljur Abrenica at AJ Raval. Ito’y matapos ibunyag ng Viva actress na may namumuong pagtitinginan sa kanila. Matatandaang noong July lamang nang mapabalita ang tuluyang hiwalayan ni Aljur sa kanyang asawang si Kylie Padilla. Kinumpirma rin ni Kylie na third party ang dahilan ng kanilang hiwalayan.
Si AJ ang isa sa mga co-stars ni Aljur sa kanyang pelikulang “Nerisa.” Matapos magkasama sa set, unti-unting naging malapit ang dalawa sa isa’t-isa.
Hindi nagtagal ay naging magkaibigan si AJ at Aljur, hanggang sa may nabuo na ring pagtitinginan sa kanila. Ibinunyag ito ni AJ sa kanyang exclusive interview sa PEP TV.
Read More: Kilalanin si Migs Bustos, ang Napakagwapong Reporter na Papalit kay Kuya Kim sa TV Patrol!
Sa kanyang interview, diretsahang inamin ni AJ na nasa getting-to-know stage pa lamang sila ni Aljur.
Natukoy rin ng mga fans na si Aljur nga ang tinutukoy niya noong interviewin siya ni Donnalyn Bartolome noong September. Ayon kay AJ, may isang male personality na nanliligaw sa kanya ngayon.
“Hindi ako magpapakaipokrita. Di na ko magsisinungaling, di na ako magde-deny kasi mukha lang kaming tanga kapag nag-deny kami. Totoo naman na nag-uusap kami. We understand each other, we care for each other. Pero wala pa kami sa point na may relasyon kami,” pahayag pa ng aktres.
Ngunit kahit pa iginiit ni AJ na wala silang label at hindi pa siya ready, mukhang iba naman ang ipinaparating ng mga kilos niya.
Matapos pumutok ang balitang ito ay kumalat naman sa social media ang larawan ng dalawa, kung saan naaktuhan silang magka-holding hands sa isang mall.
Hindi naman mapigilan ng mga netizens na mapa-comment sa mga larawang ito. Ayon sa iba, kahit pa i-deny ni AJ ay kitang-kita naman sa body language ng dalawa na ‘more than friends’ ang turingan nila sa isa’t-isa.
Read Also: “Desperado na ko”- John Wayne Sace, Ibinuking na Muntik na Siyang Mang-Holdap Dati
Ano ang masasabi niyo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.
0 comments:
Post a Comment