Hindi permanente ang trabaho sa showbiz. Maaring ngayon ay sikat ka, ngunit may mga pagkakataon na lalamlam ang kinang ng iyong career.
Kaya naman may mga Pinoy celebrities na mas pumiling tumahak sa ibang karera at tuluyang iwan ang industriya, gaya na lamang ng batikang aktres na si Donita Rose.
Sa loob ng ilang dekada ay naging makulay rin ang career ni Donita Rose bilang MTV VJ, host, at aktres. Ngunit nitong 2020 lamang, hindi lingid sa kaalaman ng lahat na tuluyan na siyang namaalam sa kanyang career bilang aktres. Sa halip ay mas pinili nitong manatili sa United States upang maging chef.
Read More: Barbie Imperial, Mataray na Pinangaralan si AJ Raval Matapos Itong Mag-Sorry sa Kanya
Noong 2020, ibinahagi ni Donita sa kanyang mga fans sa social media na permanente na siyang maninirahan sa Amerika.
Mas pinili niyang magkaroon ng tahimik at payapang buhay abroad. Dito na rin daw niya ipagpapatuloy ang kanyang pangarap na maging isang chef.
Bago siya umalis, nagpa-despedida party pa sa kanya ang mga malalapit niyang kaibigan kabilang na sina Ruffa Gutierrez, Karla Estrada, Sunshine Cruz, Vina Morales, at Jackie Forster.
Ngunit kahit pa wala na siya sa Pilipinas, patuloy pa ring ina-update ni Donita Rose ang kanyang mga fans sa pamamagitan ng social media.
Noong April, masayang ibinalita ni Donita na na-promote siya sa kanyang trabaho bilang corporate R&D Chef ng Island Pacific’s Market.
Mayroon din daw siyang team, kung saan kasama niya si G Tongi. Nais nilang mas pasikatin pa ang mga Filipino cuisines sa ibang bansa.
Sa kabilang banda, masaya naman ang mga fans sa bagong direksyong tinahak ngayon ni Donita Rose. Paniguradong marami ang nakaka-miss na mapanood siyang muli sa telebisyon, ngunit hindi maikakaila na mukhang mas masaya at fulfilled si Donita sa kanyang bagong role ngayon.
Read Also: Dra. Belo, Ibinahagi ang Mapait na Karanasan Kung Bakit Ayaw Niyang Nagse-Celebrate ng Birthday
Ano ang masasabi niyo sa kwentong ito? Ibahagi lamang ang inyong opinyon at parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.
0 comments:
Post a Comment