Isang buong pamilya mula sa China ang binawian ng buhay matapos makakain ng sirang noodles. Ayon sa mga reports, pitong miyembro ng pamilya ang nasawi matapos kumain ng homemade noodles na mahigit isang taon na nakaimbak sa loob ng freezer. Napag-alaman ng mga imbestigador na nalason ang mga biktima.
Ayon sa mga reports, dahil sa tagal na pagkakaimbak ng noodles sa freezer ay may namuong toxin na dito na kilala bilang “bongkrekic acid.”
Ito ay ang nakamamatay na toxin mula sa bacterium pseudomonas, ayon sa China Global Times. Ito rin ang hinihinalang sanhi ng pagpanaw ng pamilya.
Read More: “Walang Pahinga”- Netizens, Nagbiro Matapos Itong Sabihin ni AJ Raval kay Wilbert Ross
Labindalawang miyembro ng pamilya ang naninirahan sa Heilonjiang Province. Oktubre 2020 nang magtipon tipon sila upang kumain ng agahan.
Ayon sa mga saksi, siyam na miyembro ang kumain ng homemade noodles o mas kilala sa tawag na Suantangzi. Samantalang ang iba naman ay tumangging kumain nito dahil pangit na raw ang lasa.
Matapos ang ilang oras, nagsimulang sumama ang pakiramdam ng mga nakakain ng noodles. Sumakit ang kanilang tyan at nagsuka rin sila.
Agad silang isinugod sa ospital, ngunit binawian na ng buhay ang pito sa kanila. Ayon sa provincial health commission, natagpuan ang mataas na konsentrasyon ng bongkrekic acid sa kanilang tyan.
Dagdag pa ng mga otoridad, maaaring magresulta sa malubhang pinsala sa atay, bato, puso, at maging sa utak ang toxin na ito. At dahil pinag-aaralan pa lang ito ng mga eksperto, sa ngayon ay wala pang antidote o gamot para dito, kaya naman mataas rin ang fatality rate nito.
Ang mga sintomas nito ay nagsisimula ilang oras matapos kumain ng kontaminadong pagkain. Kabilang na dito ang pananakit ng tyan, pagpapawis, pagigin mahina, at pagkawala ng malay. Ang pagkamatay ay maaari ring mangyari sa loob lamang ng isang araw.
Read Also: Babaeng Nanganak sa Eroplano, Hindi Raw Inakalang Nagdadalang-Tao Pala Siya!
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.
0 comments:
Post a Comment