Buong sambayanan ngayon ang nakatutok sa reality program na “Pinoy Big Brother.” At habang mas tumatagal, mas lalo ring lumalabas ang totoong kulay ng mga housemates. Kabilang na sa kanila ang comedian na si Brenda Mage, na kamakailan lang ay umani ng batikos sa social media dahil sa di umano’y attitude nito.
Maraming viewers at netizens ang nakapansin sa attitude ni Brenda sa loob ng bahay ni Kuya. Ayon sa kanila, kapansin-pansin ang pangba-backstab nito sa ibang housemates. Sa ilang episodes, makikita ring laging pinag-uusapan ni Brenda ang ibang housemates tuwing wala ang mga ito.
Read More: “I miss her talaga”- Rob Moya, Malaki ang Pagsisisi na Pinakawalan pa si Toni Fowler
Dahil dito, nabansagan siyang ‘Marites’ ng mga netizens. Ayon pa sa kanila, karapat-dapat na inominate si Brenda para sa eviction dahil lumalabas na ang tunay na kulay nito.
Ngunit mayroon namang nagtatanggol sa kanya, at kabilang na dito ay ang kaibigan niya at pawang influencer na si Juliana Segovia.
Sa kanyang viral Facebook post, ibinahagi ni Juliana na masakit para sa kanyang makitang naba-bash ang kanyang kaibigan. Aminado rin siya na mayroong pagkakamali si Brenda, ngunit maaari pa daw itong maitama pag nakalabas na siya sa bahay ni Kuya.
“Labas na Brends! Tulad ng sinasabi ko lagi sayo noon, sa isang pagkakamali mo malilimutan nila kung ilang beses mo sila napasaya. Yan ang masakit na realidad ng buhay. Masakit bilang isang kaibigan na makita yung mga masasakit na salita na binibitawan nila sayo, pero yun lang kasi nakikita nila,” dagdag pa niya.
Nanawagan rin siya kay Brenda na kusa na itong lumabas sa Bahay ni Kuya. Ayon kay Juliana, kahit pa madami itong bashers, mananatili pa rin siyang tapat na kaibigan ni Brenda sa paglabas nito. Sa kabilang banda, umani naman ito ng iba’t-ibang reaksyon mula sa mga netizens.
Read Also: Miss Bahrain, Ayaw Patulan ang mga Pinoy Bashers na Nanlait sa Kanyang Larawan
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.
0 comments:
Post a Comment